[Nona999]

السلام عليكم ورحمة الله وبركاته..

قبل كم يوم طرحت موضوع وساعدوني فيه اخواني الي ف المنتدى الحمد لله يا ابو فهد الكلبه راح عنها الخوف وصارت ترقى الدرج وتنزل وتطلع معي لخارج البيت

الحمدلله تقدم رائع جدا .. يتوجب عليك تشجيعها ..

بس كل ما تطلع وتنزل تطول شوي وتجلس تشم ف الارض

شي طبيعي اخي تتعرف على المكان وحتى لو كان المكان جته كثير

ولما اطلع فيها برا البيت تمشي معي ويوم ابعد شوي عن باب البيت تجلس تشم الارض بعدين تمشي معي

شي طبيعي اخوي تعرف الشارع كثييير ناس و كائنات مشو عليه وممكن تكون تتعرف على الطريق ومع مرور الوقت بتكون هي تدلك الطريق ..

ولما ارجعها البيت افك الليش عنها واسبقها لسطح عشان ارجعها غرفتها تمشي وراي شوي بعدين تنزل وترجع تشم طريقها الي جت منه ومرات تعيدها مرتين هل حركه وبعدين تجي لغرفتها ؟؟؟؟ وش معنى هشي؟؟؟

اخوي كل هذي الحركات طبيعيه هي المكان بالنسبه لها جديد لانها كبيره وتغير مكان عيشتها فجأه فـ تحاول تتعرف على المكان والمنطقه وبالعكس خلها على راحتها ولما تلحقك شجعها ومسح عليها مع مرور الوقت راح تكون حافظه كل خطوه فـ البيت والمنطقه عشان لو قدر الله طلعت برا البيت تكون عارفه طريق المنزل ..

وخذ الحذر عند خروجك من المنزل ..

غير كيذا فيها شوي قشره لاني ما روشتها من فتره وشعرها من تحت طاح شوي ايش الحل؟؟؟

تساقط الشعر يرجع لعدة عوامل ..

- ارتفاع درجة الحرارة

- تبديل الشعر >> هذا شي طبيعي

- يحتوي طعام الكلب على بهارات وهذا اكثر عامل مؤثر

- قلة نظافة الكلب ونظافه اواني الكلب

و اخوي انا انصحك بـ استخدام شامبو فافو ( مايهون اخوي سعود ) ولكن هذا شي انا متأكده منه 100%



استخدام الشامبو مره او مرتين بالاسبوع لمده شهر وبيرجع شعرها مثل اول وافضل ان شاءلله تحصله بـ الصيدليه البشريه بـ 23 ريال ..

بالتوفيق