|
رد: مستعجل جدا جدا قطتي تلهث !!!
اسفة ما طليت عليكن
الحمد لله ولدت بخير وسلامة
ضلت تولد 3 ساعات ونصف
وجابت احلى 3 كتاكيت
واحد رمادي واحد اشقر مخطط وواحد ابيض متلها
هي نوعها شيرازي مون فيس زوجتها اول السنة من نفس نوعها وكانت اول مرة وجابت خمسة ولكن للاسف ماتو كلهن  لان ما كان عندها حليب رغم الفيتمينات والاكل يلي كنت اعطيها ياه بالاضافة لخبرتها القليلة وغبائها لوول كانت تتركهن وتجي تنام جنبي
هالمرة زوجتها من قط اوريانتل هاد يل كان متوفر قط ابن الجيران
وبالنسبة لوضع الكيتنز افضل من اول مرة وعم يرضعو وتاكدت من وجود الحليب
اما الاكل اليوم طعميتها جاج مسلوق متل ما هي متعودة بالاضافة لبطاطا مسلوقة مهروسة مع حليب وجبنة كيري لان عم ترفض تشرب الحليب وحبت النكهة كتيير
صح بالنسبة للقفص فرشتو ورتبتو على الفاضي رفضت الجلوس فيه ورجعت نقلت الاطفال لنفس مكان الولادة 
فقلت رح خليها اسبوع لحتى يقوى وضع الكيتنز ورتبت المكان وفرشتو وكل شي
هي تقرير مفصل عن الولادة
اي اقتراحات او نصائح انا بالانتظار وخاصة بالنسبة للاكل
وشكرا لكم جميعا
|