[Abo_fahed]

السلامـ عليكمـ ورحمهـ الله وبركاتهـ

احنا الحمدالله بخير عساكـ بخير يالغالي ..؟

--

أنا كلبي بيوصلني بعد اسبوع ان شاء الله ( هدية )

ما أعرف نوعه

يتربى بعزك ويوصل بالسلامه ان شالله

صوره ونزل الصور وبنفيدك بنوعه ان شالله

--

كل اللي اعرفه عنه انه كلب دلع وعمره شهرين وأسبوع تقريبًا

اهم شي تأكد انه مطعم واذا ماكان مطعم لازم تطعمه

التطعيمات تبدي في هالعمر

--

اول شهر له فالبيت وش اسوي له

إول شي لازم تعرفه ان كلبك دلع يعني زينة »» Pets

وكل كلب يدخل للبيت الجديد في ترتيبات تسويها بس لازم تكون

صبور وتذكر ان الكلب ذكي بس مو نفس البشر يعني بيكون محدود

وتذكر ان الكلب مايعرف يتكلم ولا يفهم الكلام

بس يفهم ان هذي الكلمة وراها مكافئة وهذي الكلمة معناتها وراها معاقبة

وكل هذا يكون بالتكرار والتكرار والصبر والصبر

الترتيبات بالترتيب كالآتي .:

1 - Socializing »» تنشئة كلبك حتى يصبح اجتماعي .:

جعل الجرو اجتماعي عن طريق التعرف على الناس الجديدة سواء افراد الاسرة إو اصدقائك حتى لايصبح الكلب

عدائي أو خجول أو خواف بزيادة وكل هذه الاسباب تعود الى التنشئة الخاطئة

2 - Housebreaking »» يفهم نظام البيت .:

وهي ان تضع جدول زمني ووقت للجرو تقعد معاه

واعطاؤه الاكل بانتظام

وابتعد عن بالضرب او فرك انف الجرو عند العقاب

بل مكافئته والثناء له واللعب معاه عندما يحسن التصرف

3 - crate training »» القفص :

وهو ان تستخدم قفص للجرو اذا ماكنت تقدر تشرف عليه في اكثر الاوقات

ويمكنك استخدام القفص كعقاب للجرو عند »» العض ، التبرز في المكان الخطأ

ولاتنسى ان يكون القفص مريح ومناسب لحجم الجرو

ولا ينفع ان تحبس الجرو في القفص لمدة تزيد عن بضع ساعات

ويفضل انك تخلي القفص بالمطبخ او داخل البيت عشان يكون تحت نظركم

خاصة انه صغير بالعمر

ويفضل انك تستخدم كلمة معينة عند ادخاله للقفص حتى يتعود عليها مثل »» Inside

وكلمة عند اخراجه من القفص مثل »» Outside


مع الوقت بمجرد نطقها راح تشوف الكلب يتوجه للقفص

وطبعآ لاتنسى مكافئته عند الدخول والخروج في البداية

وبعدين بين فترة وفترة »» عشان مايظن ان القفص حبس

4 - vaccination »» التطعيمات :

وهي التطعيمات المهمة للجرو والتي تبدأ بعمر الـ شهرين

ويفضل ان توديه للبيطري عشان يعطيه التطعيمات

5 - Leash Training »» تدريبات الليش أو المقود

هذا تدريب مهم تبدي معاه من عمر الـ شهرين مافيه مشكله

راح يتعبك في البداية بس انت في البداية خله يتعود على الطوق لمدة اسبوع

بعدها جيب الليش وكل ماتلبسه وتشيله لازم تكافئه بنفس الوقت عشان يفهم ان الليش معاه

جوائز

واذا تعود على الليش راح ترتاح في امور كثيره وراح يسهل عليك التحكم فيه وخاصة وقت التدريبات

--

وباقي التدريبات بتحصلها بقسم التدريبات .:

في مواضيع مثبتة مفيدة .:

http://www.2zoo.com/vb/forumdisplay.php?f=39

كتاب تـوزو من تأليفي فيه أمور مفيدة .:

http://www.2zoo.com/vb/showthread.php?t=227887

فيديوات من تصويري الخاص حق تدريبات الطاعه المبتدئة بيفيدك .:

http://www.2zoo.com/vb/showthread.php?t=232832

--

تذكر دائمآ .:

1 - كافئ الكلب وشجعه اذا عمل شي صح

2 - ابدآ ابتعد عن العقاب الجسدي مهما كان خطؤه

3 - ابدآ لاتصلح خطأ الكلب اذا ماصدته بنفس الوقت لانه ماراح يفهم

--

وتحياتي يالغالي ،،