منتديات تو زوو - عرض مشاركة واحدة

loli · 16-04-2007, 11:17 AM

النهارده يوم غريب

فيه ست غريبه كده صوتها عالي بتتكلم بلجهه غريبه ومعاها ست تانيه زيها وقدها على مرتين...بيبصولي اوي ومتابعيني كل ماروح حته الاقيهم بيتكلموا عليا....

شكلهم بينظفوا مع مامتي البيت ..........يوم التنظيف العالمي لعبه جميله التنظيف ده... مامتي بتخليلي بلية صغنونه (كرة قزاز) العب بيها وبعدين تختفي تحت حاجه ومعرفش اجيبها ...

النهارده طلعلولي كل البلي ( الكور) الي مستخبي...وفضلت اجري وراهم طول اليوم...وبعدين دخلوا المطبخ...وانا وراهم طبعا

شالوا الطبق بتاع الاكل بتاعي ومحطوليش اكل بداله

وانا من كتر اللعب جعت ... مش جعت كده وكده... لا جعت بجد يعني....وبعدين لقيتهم فتحوا باب دولاب بيطلع منه ريحة اكل لذيذه...

قلت اغافلهم وادخل اشمشم يمكن اطلعلي بحته لحمه او ورك ارنب حتى

...بس وبعد كده لقيتني في ضلمه شديده... وبروده رهيبه..

وسامعاهم بره بيتكلموا برضه بصوتهم العالي...

احاول انده على مامتي مياااااااااااااااااااو ...ميااااااااااااااو....نااااااااااااااااااو ... ملاقيش صوت طالع ......

بعدين سمعت مامتي بتنده عليا وبتقول الكلبه دي راحت فين اه دي انا

مامتي بتنده عليا...........ميااااااااو انا هنا............ومحدش سامعني

وفجاه بعد ماحسيت اني ابتديت اتلج وحسيت اني حيغمن عليا من شده البرد ...لقيت الباب فتح ومامتي بتقول : يخرب بيييييييييتك حتموتي يا هبلة.........ياربي............

ملقيتيش غير التلاجه تدخلي فيها يا مصيبه زمانك ..........حتبقي قطه مجمده ونعمل عليكي ملوخيه

................

وشالتني وقعدت تفرك فيا لحد مادفيت وعملتلي طبق كبير من الاكل السخن وبعد كده غطيتني لما قضيت اليوم كله نايمه

........................

16-04-2007, 11:17 AM	#20
loli هاوي نشيط	رد: يوميات قطه!!! النهارده يوم غريب فيه ست غريبه كده صوتها عالي بتتكلم بلجهه غريبه ومعاها ست تانيه زيها وقدها على مرتين...بيبصولي اوي ومتابعيني كل ماروح حته الاقيهم بيتكلموا عليا.... شكلهم بينظفوا مع مامتي البيت ..........يوم التنظيف العالمي لعبه جميله التنظيف ده... مامتي بتخليلي بلية صغنونه (كرة قزاز) العب بيها وبعدين تختفي تحت حاجه ومعرفش اجيبها ... النهارده طلعلولي كل البلي ( الكور) الي مستخبي...وفضلت اجري وراهم طول اليوم...وبعدين دخلوا المطبخ...وانا وراهم طبعا شالوا الطبق بتاع الاكل بتاعي ومحطوليش اكل بداله وانا من كتر اللعب جعت ... مش جعت كده وكده... لا جعت بجد يعني....وبعدين لقيتهم فتحوا باب دولاب بيطلع منه ريحة اكل لذيذه... قلت اغافلهم وادخل اشمشم يمكن اطلعلي بحته لحمه او ورك ارنب حتى ...بس وبعد كده لقيتني في ضلمه شديده... وبروده رهيبه.. وسامعاهم بره بيتكلموا برضه بصوتهم العالي... احاول انده على مامتي مياااااااااااااااااااو ...ميااااااااااااااو....نااااااااااااااااااو ... ملاقيش صوت طالع ...... بعدين سمعت مامتي بتنده عليا وبتقول الكلبه دي راحت فين اه دي انا مامتي بتنده عليا...........ميااااااااو انا هنا............ومحدش سامعني وفجاه بعد ماحسيت اني ابتديت اتلج وحسيت اني حيغمن عليا من شده البرد ...لقيت الباب فتح ومامتي بتقول : يخرب بيييييييييتك حتموتي يا هبلة.........ياربي............ ملقيتيش غير التلاجه تدخلي فيها يا مصيبه زمانك ..........حتبقي قطه مجمده ونعمل عليكي ملوخيه ................ وشالتني وقعدت تفرك فيا لحد مادفيت وعملتلي طبق كبير من الاكل السخن وبعد كده غطيتني لما قضيت اليوم كله نايمه ........................