[محمد نواس]

السلام عليكم

اشتريت قبل 3 أيام ببغاء بلو فرنتد ... أليف جدا مع راعيه في السوق ... يقول له اطلع ويطلع على ايده ...
ولما اشتريته وجبته للبيت .. احط ايدي عنده واقول له اطلع وبدل مايطلع يعض عض الله لايوريكم .. ماشاء الله مشكبية مهوب منقار تبارك الله

الحقيقة .. الببغاء عنده مبدأ ( مايرد الكريم إلا اللئيم ) فهو ياكل من ايدي مايقول لا .. لكن ياويلي سواد ليلي لو قلت له اطلع ( لانه يفهمها ويدري اني ابطلعه علي ايدي) .. أول مايسمع الببغاء كلمة ( اطلع) يقول لي سولت لك نفسك ..وعلى طول ياخذ له عزم وعينك ماتشوف إلا المنقار ناتف ايدي نتف ....هستر بي ياجماعه

المهم انا ومن باب ( قو أنفسكم وأهليكم ) اشتريت لي مشد من الصيدلية لعله يخفف من عضته .. لكن ببغاي طلع رخمه صار أول مايشوف ايدي يزبن ويركض تقول شايف له سعلو.. وعشان كذا اجلنا شغلنا مع القفازات

كان معي ريموت التلفزيون ومديته للبغاء ابيه يغير قناة الجزييرة ... امزح كنت ابشوف يعض ويهاجم الريموت ولا بس جوده على ايدي ... المهم ومالكم بالطويلة .. دارت معركة حامية الوطيس بين الببغاء والريموت ...يهاجم الريموت مهاجمه والله اني خفت منه .... وبالحلقة الاخيرة فاز الريموت لاني انا الحكم وحاقد على الببغاء فطبيعي اني اخلي الريموت منتصر<< كف .... بعد المعركة ويوم شفت عنفه قررت اني احبسه بالقفص ما اطلعه الا بعد كم يوم

سؤالي ياشباب باختصار .... هل فيه أمل الببغاء يصير أليف معي زي ماكان مع راعيه ؟؟ مع العلم إن عمره تقريبا 5 سنوات ....ولا بس ابيعه
ونصايحكم تكفون ... ومشكورين مسبقا