|
رد: اهلى مش موفقين على القطة
اهلاً بيك من جديد
طالما المحاولات اللي كتبتهالك والأعضاء الأفاضل ذكروها فشلت
يبقى مفيش للأسف مفر من أمر واقع مش بقولك هات القطة البيت علطول
هاتها استعارة أسبوع تجربة وشوف الموضوع هيمشي ازاي وان شاء الله تتقبلها
لأن الكلام الخاطئ كله اللي بيقوله الأهل عن القطط لما بيتعاملو معاها وجهاً لوجه ممكن يتمحي
لما يشوفو قطة في البيت ويشوفو الموضوع هيمشي ازاي خصوصاً انها كيتن صغيرة وان شاء الله تحبها
انت ممكن تبقى متصور حاجة وحاطط سلبيات ليها ولما تشوفها على أرض الواقع حاجة تانية خالص
وده اللي حصل معايا برضه كانت والدتي رافضة تماماً في الأول اتضايقت شوية بعد كده حبتها الحمد لله
بس الأهم من ده كله انك تلتزم بالقطة ونظافتها وتطعيمها وأكلها وتعمل الواجب عشان تسهل الموضوع
دي أهم حاجة لأن انت لو ملتزمتش بمسؤوليات القطة هو ده اللي هيضايق والدتك ويخليها تكره تربية القطط
وان شاء الله يمشي الموضوع معاك على خير في التجربة وتتغير وتتقبلها ساعتها خليها عندك علطول
|