[jassim99]

المشاركة الأصلية كتبت بواسطة tute217

شباااااب انا كلبتي روز > جيرمن 4 شهور كنت افتح لها باب السياره وتركب >> سيارتي جيب بليزر
الحين الكلبه لما تشوف السياره احاول اناديها ققبل ما افتح الباب ترفض وتجلس مكانها واذا شديتها بالليش تقاوم ماتبي وتحاول تفك الطوق

اخوي انت ذكرت انها كانت تركب السياره لحالها و الحين تخاف منها يعني في اسباب انت لازم تكتشفها ممكن تكون :-

1_ القياده بسرعه عاليه بالمنعطفات
2_ او الفرامل بشكل مفاجـء او قوي

هالشي انت لازم تكتشفه بنفسك وتحاول تصلحه

الشي الثاني اذا وديتها للبيطري ماتبي تدخل غرفه الدكتور بس تحب تتمشى فالمحل او العياده

واحس انو باديه تكون خوافه بعض الشي

الكلب لازم يثق فيك طالما انت ماسك الليش و يثق بكل خطوه انت تخطيها

انا متأكد انها ماتمشي معاك صح اثناء النزهه لانك لو كنت تمشيها بالطريقه الصحيحه ماتعطيها مجال انها تفكر تسوي شي على مزاجها,,, كل خطوه تكون بمزاجك وبكيفك انت حاول تسوي تمارين معاها على اماكن هي تخاف منها و ماتثق فيها و لاتعطيها مجال تعاند و كرر هالتمرين لين تثق بخطواتك


الشي اللي قاهرني ومضيق صدري بعض الشباب لما تروح تشمهم يصرخو فيها ويهوشو عليها وكم مره كلمتهم لا تسوو كذا وهم رافضين ويعاندون يسوون بزياده ويقولون امسك كلبتك عننا

لا تفلت كلبك عند الشباب او بأي مكان فيه ناس,,, لان انت ماتعرف ردة فعلهم و بالتالي انت بتواجه مشاكل بالمستقبل بشخصية الكلب

افلتها الفجر مثلا بحديقه مافيها احد عشان ماتتعرض لردود افعال غريبه و كلام انت بغنى عنه

الشي الاخير لما انادي كلبتي وواحد من اصحابي موجود وتكون واقفه معاه يعطيها امر الست عشان ماتجي عندي غير كذا يجلس يلمسها ويقول لها قود قيرل انا ابي كلبتي ماتعرف غيري لما احضر تنسى الكل

بما ان الكلبه صغيره لاتسمح للوضع هذا انه يحصل من اساسه يعني خلها دايما معك بالليش لغاية ماتتعلق فيك و ماتبي تبعد عنك

سوال ثاني كلبتي ماتحب تجلس بحضني مع اني انادي عليها ولمسها تجي تجلس شوي وتقوم عني تجلس جنبي تنزل عن الكنب اللي انا عليه لييييش ...؟؟؟

انا ابيها تجلس بحضني مع العلم اني احضنها كثير وابوسها كثير والعبها كثير مرره

1_ ما انصحك انك تخلي الكلبه تصعد عالكنب خصوصا انك تبيها للحراسه بالمستقبل

2_ مو كل ماجتلك تمسح عليها وتحضنها,,, خلها تجيلك و طنشها مره او مرتين بعدين انت نادها بنفسك و المس عليها شوي و انت ابعدها عند لاتخليها تبتعد بمزاجها و خلها تتمنى انك تحضنها

سوال ثالث هل عادي اترك كلبتي مفلوته طوال اليوم ولالا ..؟؟ << يعني ادخلها بيتها واربطها

لانو هي طول اليوم برا بيتها ووقت تبي تنام تروح لبيتها

بليييز فيدوني هذي اول كلبه لي مابي افشل معها في شي لاني والله احبـــــــــــهـــــــا موت
واذا حد هوش عليها يضيق صدري

انا انصحك انك تسوي لها باب في البيت عشان تقدر تتحكم بمكانها اكثر

بس ابيها تكبر وادربها حراسه وابي تدافع عن نفسها بحيث انو اصحابي يخافون منها مايقدرو يهوشو عليها

وابي ادربها على كاتش (اكتشها) على اللي الحين يهوشها ويخوفها لانهم فاقعين قلبي بالقهر

ما انصحك تهدها على اي شخص غير بالتدريب,,,, علمها على النباح بالامر او الزمجره بالامر و خلها تنبح عليه و راح يطيب خاطرك

يارب تكبر وتادبهم قليلين الادب

هل من الممكن انو تقوى شخصيتها ويروح خوفها ..؟؟؟

كذا واحد من مربين الكلاب اروح لهم بكلبتي ويذكرون الله يقولون لعوبه ومو خوافه < بس تخاف من اللي يهوشها

انت تقدر تجيب احد من اصحابك الي مايخافون منها بشرط انه يكون ممثل ممتاز

و يتحرش فيها من بعيد بقطعة قماش وانت شجعها عشان ماتخاف و اول ماتنبح حتى لو نبحه خفيفه يعمل نفسه خايف ويهرب يستخبا ورا اي شي بحيث انها ماتشوفه

و خله يقرب شوي شوي بدون حركات زايده (مع مراعاة التعامل مع جرو) و خلها تعض قطعة القماش و اول ماتعضها خله يهرب كانه خايف

بعدها خلها تعض القماش و يمسك صاحبك قطعه القماش10 ثواني و بعدها يهرب

كذا بتعرف انها اذا تقدمت و نبحت هذا بيكون مفتاح عشان تخوف فيه الي قدامها و بتقوى شخصيتها شوي شوي

طوولت عليكم مررره بس بليييز فيدوووني

اي سؤال لاتتردد