|
طيري يتساقط ريشه وتغير في البراز
السلام عليكم ورحمة الله وبركاته
اخواني كيف حالكم ان شاء الله بخير
بعد مشكلتي الاولى مع طيري السابق عبادي تم بيعه ابشركم
وشريت واحد ثاني مروض وجاهو ووليف ومافي امل يعض زي مايقول راعيه حمامه ماشاء الله
المهم الطير له اسبوع الحين عندي
لاحظت فيه انه يلعب في رريشة ويجمعه زي القطن
ولاحظت انه ظهره بدا يطلع اللحم <يقرنس
انا ابي حل له قبل ماتبدا المشكلة الفعليه
يعني ماودي يتساقط لان عندي انثى تعبتني مقرنسه انا اتوقع انها اعدته لاني خليتهم يوم كامل مع بعض
ابي حل
ثاني شيء البراز احس انه تغير طبعا ااكله حب شمسي فقط وحبتين لوز
البراز طالع سائل بزيادة ولونه اخضر مافي بياض
ثالث شيء الطير اسمعه يحاول يقول كلام بس عجزت افهم عليه مرات يكح ومرات يعطس ومرات يقول الله اكبر
لاكن ماتسمعه الا لمن تدقق مرتين او ثلاث
ابي اعوده على الكلام اسولف معه انا ولا اشتري المكبر ماغيره الي باليوتيوب
مع العلم ان اهلي يقولون انه قال احمد + اسم اختي في اول يوم وانا انهبلت من اول يوم تكلم باسم اختي
عمر الطير سنه وشهرين الى سنه و6 شهور على كلام 4 محلات بالسوق
ويعطيكم الف الف عافيه مقدما
|