[Musab Pro]

المشاركة الأصلية كتبت بواسطة اسامه علي سعيد

علي حسب طبع الكلب بس خد بالك ان الجيرمن شيبرد غيور
وانتا ممكن تجعلهم اصحاب لي تجربه مثل ذلك ونفعت

اخوي اسامه .. المقصد من الكلام اللي بقوله لك الحين هو نقاش مفيد وليس اكثر من ذلك .

بالنسبه لتجربتك هل هي كاملة ؟

اقصد هل الكلبين اللي خليتهم مع بعض تدربو على الطاعه المتقدمه والحراسه بشكل جيد ؟

هل كل كلب فيهم مستعد بقيامه بمهام الحراسه لوحده ؟ ولا فيه واحد منهم يعتمد على الاخر ؟

لما الكلاب يلعبون مع بعضهم .. و تنادي احدهم هل يجيك مباشره ولا فيه احتمال يتجاهلك ؟

وكم هذا الاحتمال من 100 ٪ ؟

بالنسبه لي شخصيا رايي و اللي استفدته من المدربين الكبار .

يفصلون الكلاب الى ان تكبر و تبدا شخصيتهم تكون واضحه .

يدرب كل واحد فيهم على حدى الطاعه المتقدمه والحراسه او اي نوع من التدريبات انت تحتاجه .

تترك الكلاب باشرافك يلعبون مع بعض وتمنعهم متى ما انت قررت انهم يوقفون لعب .

ممكن تستخدمهم بتدريبات الطاعه واحد يخرب على الثاني ك ( ديستراكشن ) عشان

تعرف قوة التدريبات اللي انت اشتغلت عليها .. وهل الكلب يحتاج الى تركيز اكثر او

وصل الى المرحله المطلوبه .

ممكن تستخدمهم في تمارين الحراسه الجماعيه .. يتعلمون كيف يشتغلون كفريق واحد .

وهذا بعد ما يتقنون الحراسه الفرديه اكيد .

عموما اذا كنت حريص على كلب عمل احترافي يجب ان تحسب هذه الامور جيدا

اما اذا كنت مكتفي بكلب يقوم ببعض الحراسه .. ممكن تخليهم مع بعض لما يكبرون شوي

بس لازم يكون الجنسين مختلفين

ذكر + ذكر = ممنوع .

انثى + انثى = ممنوع .

ذكر + انثى = مسموح .

موفق ان شاء الله .