[loli]

النهارده مزاجي مشبر ... وعندي اكتئاب قططي من النوع التقيل........

ومش حيروح مني الا بفرخه مسلوقه بالشوربه بتاعتها

ححكيلكم واحكموا انتوا في ظلم الانسان لاخيه القط

مامي جالها تلفون وقعدت تقول ترغي ترغي ترغي ترغي وانا زهقانه وعايزه العب...

احاول اشد السلك منها تشخط فيا وترجع ترغي وترغي وترغي....

الستات دول مبيزهقوش من الرغي؟

وبعدين لقيت مامي نزلت وسابتني

وانا بخاف لوحدي ..طب خديني معاكي يانا يا قليله الحيله .......

وفجاه لقيت مامي جت وبتنده عليا................لولو يا حبي تعالي ..هيييييييييييييه مامي جت

لقيتها شايله البيت بتاعي وداخله بيه وبتفتحه...........يا للهول ...

خرجت منه لولو كبيره

... انا في حلم ولا علم ... قربت اشمها واشوف مين دي وليه وعشان ايه.... لقيتها بتنونو وبتبخ فيا ...........بخخخخخخخخخخخخخخخ

انا بخااااااااااااااف من نفسي في المرايه.... تقوم تطلعلي شبح لولو على كبير

فضلت ماشيه وراها اشوف اخرها دي ايه رخرى

لقيتها دخلت المطبخ...........بتاكل اكلي

ومامي بتقولها كلي يا قطه .............ناقص تحضنها وتنيمها مكاني كمان


ونامت مكاني واكلت اكلي وشربت شربي واخدت مكاني في قلب مامي

كرهتها اللولو دي... يارب خدها ............ومامي ترجعلي بالاكل كله ليا