[طير المملكة]

المشاركة الأصلية كتبت بواسطة سعدهـ

اخوي طير المملكة .. شكله يغير ريشه لان واجد يحك ريشه ويطلع وصخ ويطيح ريش شوي

بس ابي اعرف جم مده تغير الريش ؟ لمتى بيكون ؟!

والاكل احاول وياه واجد .. مايرضى ياكل غير الحبوب

اخلط وياه حبوب بعد يدور بس الحبوب وياكله .. الخضروات للحين ماحاولت وياه .. بحاول وان شاء الله يرضى ياكل ..

الفلفل الاخضر زين حق الكوكتيل ؟

ادعوا له .. مضايقني حاله :\

احيانا تغيير الريش يستمر لمدة شهر كامل

بالنسبة عن الاكل هو ما ياكله لانه جديد عليه ولذي السبب ما ياكله
بس هو اول ما يجربه راح ياكله

المهم انا طيوري كانوا مثل الشيء عشان جذي انا
اخذ جرجير وخس وزعتر ويعني خضراوات ورقية وانتفهم صغار
واخلطه مع البذور وهو بياكل البذور بس
ومرة ثانية لما اغير الاكل اقلل البذور فمثلا المرة السابقة كان 85% بذور والباقي خضراوات
هالمرة اخلي 50% بذور وكثرهم خضراوات يعني النص بالنص
وبعدها اقلل البذور شوي
طبعا في كل مرة احط له خضراوات
ومااا رده الا راح يذوقه

وبعدها ما يحتاج تنتفين الخضرة من تحطينها راح ياكلونه

وبالنسبة عن لو خاطرك تعطين الطير فواكه او شيء فتقدرين تشيلين عنه الاكل
تجوعينه شوي مدة ثلاث ساعات وتحطين له فواكه في صحن الاكل

ولازم كل الاكل والخضراوات في صحن الاكل لانه جديد عليه وهو ما يعرف ياكل
الا من الصحن فخليه يذوقه وبعدها تقدرين تحطينه له اي مكان بياكله

الفلفل الاخضر هو نسبيا مفيد يقتل الجراثيم في معدة الطير
ولاكن الكوكتيل ما يقدر على حرارته
وانا عن نفسي ما جربت صراحته

واي استفسار احنا حاضرين