[Jojo 55]

السلام عليكم ورحمة الله وبركاته ...

كيفكم ان شاء الله مرتاحين ....
حبيت اسردلكم تجربتي مع حساسية زوجي من البسس أول ما أشترينا البسه تعب زوجي تقريبا اسبوعين وانا تعبت معه لاننا حبينا البسه ولا نبي نبيعها ولا نتخلص منها لانه مو الحل الوحيد قلنا لازم نجرب الاشياء المساعده اول طبعا جلست ابحث واشوف عن الحساسيه ....
فالبدايه زوجي صار ياخذ دواء مضاد للحساسيه وبعدين اشترينا فلتر للجو خصوصا احنا عايشين فبريطانيا حاليا وبرد ولا نقدر نهوي البيت طول الوقت ونفتح الشبابيك .. ثانيا.. صرت اكنس وانفض الاثاث كل يوم واهم شي مايكون موجود ..ثالثا..والاهم بستي كانوا مايعطونها الا دراي فود وهي تحتاج بروتين من اللحوم ودهون علشان يساعد جلدها وتخف القشور اللي تسبب حساسيه قررت اغير اكلها بديت اعطيها دجاج وتوركي وسمك وبرضو مع الدراي فود لانه ضروري للأسنان ..رابعا .. تحميم البسه كل عشر ايام تقريبا طبعا احنا عندنا نظام تدفأه اشغله وادفي البيت واحممها وعلطول انشفها بالمنشفه والاستشوار لحد ما ينشف شعرها تماما كانها ماتحممت وطبعا لازم تخلي الحراره وسط وتبعده عن جلد البسه لانه ممكن يحرقها لاسمح الله ..خامسا.. كل يوم لازم امشطها وامسح شعرها بالمناديل الرطبه تبع الأطفال او الخاصه بالبسس طبعا هذي الطريقه مو بس علشان الحساسيه حلوه للبسه تحس انها فرش ومبسوطه.. وانا لي شهرين تقريبا معانا البسه واللحين زوجي احسن بكثير يارب لك الحمد والشكر ..ان شاء الله اكون افدتكم بموضوعي واي استفسار انا حاظره