[بسبس مياو]

السلام عليكم
انا قطوتي قبل كم يوم كملت 11 شهر..نوعها شيرازي امريكي شورت هير
قبل ثلاث اسابيع طلبت تزاوج لأول مره بحياتها..واستمرت معها الحالة 3 ايام واقل شوي
وبعدين راحت منها....وبعد 3 اسابيع رجعت طلبت تزاوج وهالمرة بشكل اقوى من المره اللي فاتت
حالتها مره صعبه وطول الوقت تصيح بصوت عالي وتفرك جسمها بالارض وكل ماشافت اخواني الشباب
تركض عندهم وتطلع اصوات غريبه وترفع مؤخرتها ...قلت بخليها يومين وبتروح منها الحالة
بس طولت وصار لها 5 ايام على نفس الحالة...ماتخلي احد ينام مزعجة وشكلها مرره تعبانه
اخوي قال بوديها محل الحيوانات تتزاوج..بس انا مارضيت خفت عليها تمرض او تموت
قال اخوي انها اذا تأخرنا عليها ممكن تموت
صحيح ممكن تموت من التعب؟
حاليا راحت منها الحالة بعد 5 ايام...وخايفة من الشهر الجاي تسوي نفس الشي
كلمت شخص ثقة قال اذا جاتها الحالة جيبيها بوديها بيت فيه قط نظيف احسن من قطط المحلات
بس هل كل شهر بضطر ازوجها....صراحة العمليه مكلفه...وما اضمن احد يوديها لي كل ماطلبت تزاوج
معقول كل شهر نفس الحالة بتجيها؟ولا كم شهر وتوقف؟
وكمان قالولي اذا ابي ارتاح اسوي لها عملية وتوقف طلب التزاوج للأبد!!!
طيب العمليه هذي خطيرة؟؟ وفي لها مضاعفات؟
انا خايفة عليها....ابيها تنتج مره وحده او مرتين بس....وبعدين افكر بالعملية
وفي ناس قالوا مو شرط تزوجيها كل ماطلبت لأنه مضر لها
ارجوكم جاوبوني بالتفصيل..ابي ارتاح