|
رد: لدي مشكلة مع كلبي الجديد ???? مساعدة
شوف يالغالي .. بالنسبه لعمر ست اشهر فانت تطلب اكثر من استطاعة الكلب .
وبالنسبه للعض يجب ان يتدرب الكلب عليه .. لا تتوقع من كلب غير مدرب ان يؤدي لك عمل الكلب المدرب .
اولا تبدا بالعضاضات .. وتدرب الكلب على عضها .. وتحاول تسوي العاب يستمتع فيها الكلب بالعض .
يعني حاول ما تكون ممل و تركز فقط على ان الكلب يعض .. لانه راح يكره اللعبه بعدين وبيمل منها .
لازم تسوي العاب حلوه تدخل فيها العض ..
بعد ما يتولع الكلب بالعض تنتقل الى المرحله التاليه ..
تجيب سليف ( واقي العض لليد ) ،، و تستخدم السليف كانه عضاضه وتعوده على العض
و لما يتولع فيه تلبس السليف بيدك و تعوده على العض .
لما تنتهي من هذي المرحله .. لازم تصبر لين يكبر كلبك و تبدا تصير شخصيته قويه .
بعدين تخلي زملائك يحاولون سرقة السليف من امام الكلب والكلب مربوط .
ويحاولون ينرفزونه لين يعض السليف .. في البدايه اول ما يعض السليف لازم يفصخونه
ويخلونه عند الكلب و يهربون .. عشان يتعلم الكلب ان الحل الوحيد للحفاظ على السليف هو عضه والتمسك به .
بعدها تنتقل الى المرحله الثانيه من النيرفز والسليف .. انك تخلي الكلب يقاتل اكثر عشان يعتفظ بالسليف .
بعدها تنتقل الى مرحله تكون رابط الكلب وماسكه بيدك و تخلي صاحبك ينحاش وبيده السليف
والكلب بيحاول يعض السليف .
المرحله ما قبل النهائيه انك تطلق الكلب وتخليه يعض السليف بدون ربط .. يكون الكلب عرف وين يعض بالظبط .
اما المرحله النهائيه انك تستخدم كل اللي تكلمنا عنه بالدفاع عنك انت شخصيا .
تخلي اي احد يحاول يعتدي عليك وهو لابس السليف .. و وقتها راح تجد ان الكلب بيدافع عنك وراح يعض السليف .
الموضوع هذا طويل جدا وفيه تفاصيل كثيره ولكني اعطيتك رؤس اقلام .
يجب ان لا تظغط على الكلب .. ودائما لا تتقدم خطوه حتى تتاكد ان الكلب فهم الخطوه اللي قبلها .
الشيء اللي يتأسس صح راح ينبني صح .
نصيحه اخيره اذا شفت الكلب بدأ يخاف و بدا ينزل مستواه وقف وارجع خطوه حتى ما يفقد ثقته بنفسه .
في المراحل اللي تكلمنا فيها كللهاااا نثبت للكلب انك انت القوي و انت الشخصيه المسيطره على اللصوص .
لا تنسى هالشي .
بالتوفيق .
|