[أبو الببغاوات]

السلام عليكم ورحمة الله وبركاته
واتمنى إني افيدك
وعلى بركة الله

المشاركة الأصلية كتبت بواسطة لزيز و رايـ ء

السلام عليكم

..

شباب انا شريت لي كاسكو افريقي عمره سنه ونص تقريبا

صار له عندي اسبوع

بس للحين ماسمعته يصفر الا مرة تقريبا او مرتين

وماصفر الا لما شغلت له مقطع ببغاوات تصفر ع اليوتيوب

طبيعي ، بعض الببغاوات ما تتعود على البيت إلا بعد شهرين
فلا تستعجل ولكن سمعه تصفيرات ، علمه الكلام باستمرار دون توقف
عشان إن شاء الله مع الوقت تلقاه بلبل البيت

..

سؤالي لكم ..

هل الاسبوع كافي انه يتأقلم ع البيت , ولا لسا بدري .؟

يعني متى يتكلم ويتولف ونصير اصحاب آد الدنيا

بعض الببغاوات كافية وبعضهم غير كافية
باين انه طيرك يحتجله وقت بسبب جعيره ولكن زي ما قلتلك
لازم تكون معاه وتصفرله أو تعلمه الكلام عشان لا يكون أطرم على كلامك

// // //

بعض المعلومات عنه وبعض الاسئلة

* الاسبوع هذا كل يوم تقريبا أطلعه لمدة ساعة أو اكثر

* في البداية اذا طلعته وبغيت ارجعه للقفص مجرد مااجيب القفص عنده يدخل علطول .. هاليومين مايرضى يدخل القفص

قد يكون شيء طبيعي انه اتضايق من القفص ويحتاج وقت انه يكون خارج القفص

* يجعر اذا احد قرب منه .. حتى وانا اغير الماي والاكل يجعععر وبقوووة بس كأنه صار اهدى هالفترة وانا اغير له الماي والاكل

استمر والجعير طبيعي من ببغائك لأنه مو متعود على الناس
مثل ما تلقى ديناصور قدامك وبيغيرلك الموية
تحسبه بياكلك
كذا تفكير الببغاوات ولكن مع التعود إن شاء الله يخف

* في البداية لما كنت اطلعه احاول اقرب ايدي منه مايرضى ويجعر ويحاول يعض . الحين صرت امسح على منقاره بس مايخليني اوصل لراسه

شيء طيب واستمر وحبة حبة <<< على قلبي
ومداك تمسح كل جسمه ولكن خليه يتعود عليك وبين للطير انك تحبه

* فكرت اوديه لواحد يروضه لي .. شرايكم ؟

إذا كنت تشوف في نفسك عدم الامكانية وديه
ولكن يفضل انك تروضه بنفسك عشان يتعود عليك
ولكن يحتجله صبر وراحة بال قد تكون لمدة طويلة

* عمر السنة ونص .. وش وضعه ؟

أعتبره شايب
أمزح ، ولكن ترويضه صعب بعض الشيء بالنسبة لمبتدئ

* عادي لو خليته برا القفص فترة طويلة ؟ // يعني على مافهمت انه لو تعود وتعلم على انه يطلع كثير بعدين مايرضى يدخل القفص , او يسكت داخل القفص ويكون كلامه بس برا ؟

ما قيد سمعت بهالشيء جوة برة كله واحد
ولكن يمكن ياخذ الطير راحته جوة القفص ويمكن يكون برة القفص ويمكن الاثنين
والكلام أعتقد انه غير صحيح لأنه على مر السنين مع الببغاوات ما شفت هالشيء يسير
الا للطيور العنيدة <<< يعني جوة القفص

* اذا ابي اروشه اروح له من وراه يجي يقابلني مايخليني اكون وراه عشان ارش عليه .. وانا احاول اتجنب اني ارش على راسه .. عادي لو رشيت على راسه ؟

طبيعي لأنه الطير خايف منك ، ولكن يفضل يكون واحد معك ويكون معه عصاية صغيرة
ويخلي الطير يشوف العصاية ويركز لها أكثر وانت تاخذ راحتك ورى مع الحذر
وأما رش الراس فاعتقد أنه لا يفضل لأنه الطير يزكم وإذا زكم كلامه يقل وصفيره يقل
ويمكن يتعب ، ولكن ممكن برذاذ على الراس دون الوجه

* اذا بجوعه .. كم الحد الاقصى للتجويع .. ؟ // يعني افضل مده أجوعه فيها كم ؟

والله كل واحد وطريقته
أنا تجويعه لمدة 6 أو 7 ساعات
وفي ناس أقل
وفي ناس 12 ساعة
ولكن يفضل النظر للطير إذا احسست انه جائع فابدأ بتدريبه
لأنه بعض الطيور تتعب بسبب الجوع وانت ما تنتبهله

* اذا جوعته .. لازم اعطيه حب ولا عادي اعطيه فواكه مثلا او فول سوداني ؟

يفضل فول سوداني لأنه المفضل عند الببغاوات

* بالنسبة للنوم .. لما يجي الليل اعزله بغرفه عشان ينام ؟ ولا عادي اخليه مكانه .. وهل اغطي القفص او لا ؟

والله عادي أي مكان ، ولكن إذا كان مصدر ازعاج فغطي القفص أو حطه في غرفة معزولة ولكن
قد يتسبب للطير حالة نفسية فيفضل التغطية

* ودي اغير له القفص .. هل هذي الفترة مناسبة لتغيير القفص , يعني ماصار له الا اسبوع عندي , او انتظر لغاية مايتروض ويتدرب علي بعدين اغير له القفص ؟

الي براحتك لأنه لا علاقة بين الطير والقفص الا إذا كانت غير ملائمة له

متى المفروض اطلعه أشمسه ؟ وكم مدة التشميس المناسبة ؟

مدة التشميس ساعة أو نصف ساعة بعد صلاة العصر عند برود الجو قليلاً

وآآآسف ع الاطالة

نحن بالخدمة يا الغالي
وتقبل مروري