[Harmony]

السلام عليكم ورحمة الله

انا عندي مشكلة وياليت احد يقدر يساعدني لان مالي اي خبره في الكلاب ولا قد ربيت كلب قبل كذا ولا حتى اعرف انواعها احنا عندنا مزرعه في منطقه تعتبر صحراويه تماما ويوم من الايام لقينا اربع كلاب اتوقع ان عمرها صغير لكن موب متاكده طبعا مااعرف عنهم اي شيء ولا ادري وين امهم صرنا نحط لهم اكل وهم يجلسون عند الاستراحه حاولنا كذا مره نوديهم لمنطقه معروفه عندنا فيها بعض الكلاب يعني تتجمع فيها لكنهم يرجعون عند المزرعه قبل كم يوم بلغنا الحارس انهم ماتوا ومابقى الا واحد يقول انه طلع من فمه مثل الرغوه البيضاء ومات طبعا يقصد الثلاث انا الحارس ماقدرت اخذ منه معلومات وانا ماكنت موجوده في المزرعه هذيك الفتره فباقي واحد وانا ماادري كيف اتصرف الحين فعندي بعض الصور بعرضها وياليت تفيدوني وش اقدر اسوي له وهل ممكن ان نوعية الاكل هي اللي تكون قتلتهم يعني حنا نوكلهم الاشياء اللي ناكلها مثل اللحم والدجاج احيانا ياكلون خبز او مثلا تكون فيه دابه قرصتهم ماادري وش السبب وعموما هذي الصور تفضلوا وياليت تقدرون تفيدوني بنوعه او نوعية الاكل الافضل له واي معلومه ثانيه اكون شاكره:











وشكراً