[abdulla10]

هلا اخواني


قبل يومين جبت هاسكي عمره 1 و3 شهور وصاحبه كان غير مهتم فيه ومايعرف عن الجلاب ابدا


فعندي كمن مشكله


1- الجلب وايد ضعيف وسألت صاحبه عن حبوب الدود وقالي مايعطيه فانشاءالله بوديه البيطري عشان الحبوب

2- الجلب ماياكل اكل الجلاب اللي هو البسكوت وانا يوعته وعطيته وقام ياكل بس مش كثير اعتقد انه ماعنده شهيه من الدود وصاحبه قالي انا ماعطيه البسكوت يعطيه نقانق واكل بيت فهل الطريقه اللي اتبعها صح عشان يتعود لانه قام يأكل بس بكميه صغيره لاني احط الاكل جدامه واذا ماكل اشله فورا وارجع احطله عقب 5 دقايق؟

3- الجلب وايد يعض اليد وانا انهيه واقوله بصوت عالي كلمة no بس عضته عضة لعب وانا ماباه يعض حتى لو مزح لانها عاده سيئه وابا اتخلص منها؟

4- يشرب من صحن الماي وعقب يحاول يصب الماي من الصحن بيده وانا يوم اوفه اقوله كلمة no واشل صحن الماي واردها عقب بس المشكله يوم اخليه داخل البيت ارد احصل المي صابنه فماعرف شو الحل؟


والسموحه طولت في الكلام وحبيت اشرحلكم بالتفصيل ولانه صاحبه كان مدمر الجلب وان شاءالله برجع ارتبه من اول ويديد