[الطاير]

حياك الله يالكوكاتيل مرة اخرى ...

الشكر لله يالغالي ...

وبحاول اجاوبك بالي فهمته من كلامك يالغالي ,,,,

اولاَ = الجناح مقصوص ... اكيد يأثر ... سمعت انا ان الطير الي يبغاه راعيه يفرخ ((يجيب بيض)) لازم مايقص جناحه ..

ثانياَ = التدريب مايجتمع مع التفريخ .... انتضر الى ان يفرخو ... ثم خذلك واحد من الفراخ وابدا في تدريبه
واما عن الاجنحه .. فاعيد واقول الي سمعته ان من الافضل قص الاجنحة ...
والزوج المتوحش ((الغير مدرب)) افضل في التفريخ من الزوج المدرب ... ممكن يخلفو .. بس مو زي الزوج الغير مدرب

ثالثاَ= كويس انك تبعد عنهم الناس ... اذا تبغاهم حقين تفريخ ...

رابعاَ= كيف بلادكم ماهي باردة !!!
توصل درجة الحرارة عندكم خمسين ميئويه ..؟


خامسا= حاول يالغالي انك ترفع القفص بأي طريقة ... سواء ترفعه تحطه على طاوله ..
او ترفعه تحطه على طابوق او بأي طريقه ابعده عن الارض ... لانه اذا كان ع الارض يصير دايماَ خايف


سادسا= كويس انك مابتطلعهم .. لو تخليهم في حالهم ... ماتطلعم من القفص .... صدقني راح تشوف فرق


سابعا = حاول انك ماتغير مكان القفص كثير ... واذا بتغيره غيره في الصباح الباكر ...


ثامنا = الاكل حاجه مهمه ... وبالفعل الاكل الطري هو البيض .. وفتات الخبز المغمس بالماء والخضروات والحبوب المنقوعه في الماء... واي حاجه طريه
في مواضيع مثبته .. ((زي موضوع مشاغب)) فيها وصفات كثيرة لاكلات طريه تحبها الطيور


1-بذر دوار الشمس ... حاجه مهمة ولازم تبقى على طول السنه متوفره في القفص

2-البيض المسلوق حاجه ممتازة جداَ .. مرتين او ثلاث في الاسبوع تكفي ... بس اخلطها بفتات الخبز

3- اكيد انك تقصد الدخن ... هذا الغذاء الرئيسي له وفيه منه انواع كثيرة ((اسود ابيض بني وغيرها))

4-الخس و الخضروات الورقيه ياكلونها دايماَ .. اعرضها عليهم مرة اخرى .. او اعطهم نوع ثاني من الخس وراح ياكلون

5- لاتعطيهم حاجات زي كذا الا مرة او مرتين في السنه ... وبدل التفاح اعطهم جزر مهروش ((مبروش))

الفستق ... اول مرة اعرف ان طائر الكروان يأكل الفستق


وابغا اسالك قبل ما انسى ... ايش حاط انت في صندوق التعشيش ؟؟ نشارة خشب ولا ايش ؟؟

واخيراَ هذا الي انا اشوفه ...
ورأيي يحتمل الخطاء زي مايحتمل الصواب ...

لاكن انشاء الله الاخوان الخبراء يقدرون يصلحون اي غلط جاء في كلامي ..
وماراح يقصرو معاك يالغالي ...


بس عندي طلب ...
ابغاك تحط لنا صورة فيها القفص اذا تقدر ...
عشان نشوف صندوق التعشيش ... ونشوف موقع القفص يمكن في خلل

وسلامتك يالغالي ...



تحية
الطاير