[H.B.H]

1_ كيف اخلي ريشه يتحسن ويترتب ؟
شكل له من الأكل لا اتخليه على نوعيه وحدة يعني حطه من فترة لفترة فواكه وبيض بالقسماط وتلقى طريقتها بأي منتدى للطيور وحاول تسبحه على الأقل أسبوعياً وعلى شان تقوي الريش حط له شوية جزر بقولك بس لا تلتزم بطريقتي يعني كل يومين حط له ربع جزرة وإذا تدلع أبشرها ما رضى أعصرها وخله يشربها وحط له عظمة الحبار لعى شان يعوض الكالسيوم ويقوي الريش وإذا هو ينتف ريشه بنفسه مو الريش يطيح لوحده أستخدم زيت الصبار على شان ما يقرب الريش وإذا سويت كل شيء ولا نفع حط له طوق وأنت حاول تفرغ نفسك له وتطلعه في الشمس الساعات الأولى من الصباح وألعب معاه يعني شغله عن تنتيف الريش
2_ كيف اخليه يسمن لاتقولون عطه من ذا العلاجات ؟
هذا الشيء ما جا على بالي لأني مو مهتمه بضخامة الطير أهم شيء يكون نظيف ومرتب وصحته تمام
3_ كيف اخليه يوقف على اليد ؟
هذا عليك أنت لازم تخليه بالأول يتعود على البيت وعليك يعني أنت أكيد شايف أفلام إذا شفته توهق بشيء سو نفسك البطل وساعده وبيضطر أنه يجي على أيدك

4_ وش ياكل غير حب دوار الشمس والفستق ؟
ياكل كل شيء يعني (الفواكه كلها والخضروات كلها والسلطات وعطه عظم الدجاج بدون بهارات وبيض مسلوق وتقدر تعطيه رز مسلوق بدون بهارات وخبز)
الممنوعات على الطير:
الأفوكادو كلها والتفاح بدون البذور
البقدونس ممنوع
الحب المقلي يسبب الأسهال عطه المسلوق
لا تزيد من الفول السوداني لأنه يزيد الكوليسترول بجسم الطير
المشروبات الغازية ممنوعه وحط عليها خط أحمر


5_ هل لازم اطلعه من القفص يوميا وكم اخليه برا القفص ؟*
يعني على الأقل كل يومين طلعه يتمشى برة القفص لأنها تعتبر رياضة وهو بيحرك جناحه وبيصفر خله يشم هوا وكم تخليه برة القفص....على حسب فراغتك أنت الوقت اللي تقدر تراقبه وتقعد معاه طلعه



يعني أهم نقطه...........أنك تكون صبور على الطير وبس
عذراً أنت حطيته سؤال وأنا سويته لك موضوع