|
رد: الى الهولي وابو فهد والخبيرين في الروت وايلر
وعليكم السلام ورحمة الله وبركاته
بداية اخي الف مبروك ويتربون بعزك
بالنسبه للتكيف تحتاج لتكييف معتدل " متوسط بين البارد والحار " لان الحر يتعب الام والبرد يضر الجراء ولايكون الهواء مباشر عليهم
تحتاج لفرش او مخده او نشارة خشب ويفضل يكونون داخل مكان له مثل السور الصغير او سرير للكلاب لعدة اسباب :
- عشان لايمشون " يمشون بالزحف " ويروحون بعيدين عن الام ومسكينه بتكون رايحه لهذاك تجيبه وتروح للثاني تجيبه وكذا
- عشان عظامهم صغيره ولينه والارض بتوجعهم ..
والحلقات المطاطيه تحصلها بكل مكان انا عن نفسي اروح اقرب محل يبيع مستلزمات للشعر و اطلب ربطات مطاطيه صغيرة الحجم تجي بكيسه صغيره فيها كثير وملونه 
وتحدد ثاني فقره من الذيل من فوق وتحط الربطه
بالنسبه لقص الذيل بعض المرات يتم قص الذيل من ثاني اسبوع من الولاده ويفضل انك توديهم لبيطري متمكن يقصهم لك عشان يهتم للجراء لو قدر احد منهم حصل له شي
بالنسبه للحليب الصناعي يوجد حليب مخصص للجراء صناعي وبما ان الرضاعه الطبيعيه افضل لهم لان العناصر الغذائيه الي تتغذى عليها الام تنتقل للجراء
فـ انا افضل انك تهتم بتغذية الام تغذيه صحيه مليئه بالفيتامينات والمعادن واترك تغذية الجراء على الام " الا فـ حال امتنعت عن رضاعتهم "
واتركهم مع امهم عشان يكتسبون الصفات منها وتعلمهم
واي سؤال اخر لاتتردد
لك كل الاحترام والتقدير
موفق
__________________
دائماً عامل الناس على مبدأ إن لم ٺنفعہ فلا ٺضره ، و إن لم ٺُفرحہ فلا ٺغمّہ ، و إن لم ٺمدحہ فلا ٺذمہ ! مبدأ جميل ♡
|