منتديات تو زوو - عرض مشاركة واحدة

Nona999 · 15-05-2012, 08:48 AM

وعليكم السلام اخي

بصراحه انا اتفق مع كل كلمه قالها خبيرنا الهولي

واعتقد انه كفى و وفى

بس ^^ لازم ارد مااقدر ههه

الدلع الزايد هو الي وصل كلبتك لهذي المرحله

لا اخفي عليك عندي جيرمن كانت تصرفاته نفس تصرفات كلبك بالضبط والسبب دلعي الزايد له

شديت عليه و الان من ابدع مايكون

و لو انك بالرياض قلت جبها اسبوع عندي وترجع لك ماتعض ان شاءالله

لكن بعطيك الطريقه هي سهله وتحتاج صبر ثم صبر ثم صبر

اولاً وقف تدليع و عاملها وكأنها شخص عادي جداً و تتحاسب على كل خطأ

ثانياً لاتكون مفلوته فالبيت 24 ساعه

نجي للعمل والجد اذا هي فالغرفه حقتها او القفص روح لها ومعك كوره تحبها او اي شي ثاني

عطها امر الجلوس و لاتفتح لها لما تجلس

واذا ماجلست ابعد عنها مدة 10 دقايق و ارجع لها وعطها الامر من جديد لحد ما تنفذه

اذا نفذته افتح لها القفص و خلها تشوف الكوره وحمسها و ارم لها الكوره وخلها تجيبها ( احرق الطاقه الي بداخلها )

واذا رجعت ومعها الكوره خذها منها واذا جيت ترميها عطها امر الجلوس اذا جلست ارم الكوره

الغرض من انها تجلس انك تحد من السلوك السيء وتعرف انك انت القائد

وتقدر تربطها بالليش وتطلع معها تخليها تركض لحد ماتطلع كل طاقتها ويبين عليها الارهاق والتعب ترجع للبيت تشرب ماء وتنام

واذا حسيتها طفشت من الكوره اربطها بالليش ولا تتركها تمشي بالبيت عشان تحد من العض واذا حاولت تعض شد الليش و قول " نو " بصوت حازم

اذا شفتها ماسمعت كلامك رجعها للقفص بدون اي العاب او ماء وحتى لو كانت توها طالعه و قولها " نو ، باد قيرل " وانت معصب عليها واتركها مدة ربع او نصف ساعه

للتوضيح : نترك الكلب او الجرو داخل القفص لوحده بدون شي عشان يعرف انه مذنب ولا يلعب بشي ثاني ولو حطيت لها صحن ماء راح تقلبه من الزعل فـ بكل الحالتين ماراح تشرب ماء بالعكس بتزيدك ازعاج بالصحن

و كلبي لما كنت اسوي له كذا كان يجلس ويسكت ولا ينبح لانه عارف انه غلطان فالبدايه ممكن تواجه انها تنبح لكن بعدين بتفهم

و اذا نبحت قولها " اوشش "

ارجع لها وطلعها و لو كررت الموضوع كرر العقاب و لما تجي تحط الاكل والشرب لها عطها امر الجلوس وحطهم لها و تجاهلها

قد تتجاهلك هي وتعاملك بالمثل " قد واجهتني هذي الحاله " ولكن خلك انت مثل ما انت ماتتغير وبتلاحظها كل يوم بتاخذ اسلوب تتعامل معك ( عشان ترضيك ) بس بالاخير هي تحبك وبترجع تسمع كلامك

بتشوف اخر شي بيطيح الي براسها وبترجع مؤدبه

بالنسبه للتريت لا تعطيها بكرم عطها ببخل شوي عشان تنفذ الاوامر حتى بدون تريت

ان شاءالله تنفع هذي الطريقه معها ومعليش طولت بالحكي

لك كل الاحترام والتقدير

موفق

15-05-2012, 08:48 AM	#6
Nona999 عضوية شرفية	رد: مساعدتكم جزاكم الله خير وعليكم السلام اخي بصراحه انا اتفق مع كل كلمه قالها خبيرنا الهولي واعتقد انه كفى و وفى بس ^^ لازم ارد مااقدر ههه الدلع الزايد هو الي وصل كلبتك لهذي المرحله لا اخفي عليك عندي جيرمن كانت تصرفاته نفس تصرفات كلبك بالضبط والسبب دلعي الزايد له شديت عليه و الان من ابدع مايكون و لو انك بالرياض قلت جبها اسبوع عندي وترجع لك ماتعض ان شاءالله لكن بعطيك الطريقه هي سهله وتحتاج صبر ثم صبر ثم صبر اولاً وقف تدليع و عاملها وكأنها شخص عادي جداً و تتحاسب على كل خطأ ثانياً لاتكون مفلوته فالبيت 24 ساعه نجي للعمل والجد اذا هي فالغرفه حقتها او القفص روح لها ومعك كوره تحبها او اي شي ثاني عطها امر الجلوس و لاتفتح لها لما تجلس واذا ماجلست ابعد عنها مدة 10 دقايق و ارجع لها وعطها الامر من جديد لحد ما تنفذه اذا نفذته افتح لها القفص و خلها تشوف الكوره وحمسها و ارم لها الكوره وخلها تجيبها ( احرق الطاقه الي بداخلها ) واذا رجعت ومعها الكوره خذها منها واذا جيت ترميها عطها امر الجلوس اذا جلست ارم الكوره الغرض من انها تجلس انك تحد من السلوك السيء وتعرف انك انت القائد وتقدر تربطها بالليش وتطلع معها تخليها تركض لحد ماتطلع كل طاقتها ويبين عليها الارهاق والتعب ترجع للبيت تشرب ماء وتنام واذا حسيتها طفشت من الكوره اربطها بالليش ولا تتركها تمشي بالبيت عشان تحد من العض واذا حاولت تعض شد الليش و قول " نو " بصوت حازم اذا شفتها ماسمعت كلامك رجعها للقفص بدون اي العاب او ماء وحتى لو كانت توها طالعه و قولها " نو ، باد قيرل " وانت معصب عليها واتركها مدة ربع او نصف ساعه للتوضيح : نترك الكلب او الجرو داخل القفص لوحده بدون شي عشان يعرف انه مذنب ولا يلعب بشي ثاني ولو حطيت لها صحن ماء راح تقلبه من الزعل فـ بكل الحالتين ماراح تشرب ماء بالعكس بتزيدك ازعاج بالصحن و كلبي لما كنت اسوي له كذا كان يجلس ويسكت ولا ينبح لانه عارف انه غلطان فالبدايه ممكن تواجه انها تنبح لكن بعدين بتفهم و اذا نبحت قولها " اوشش " ارجع لها وطلعها و لو كررت الموضوع كرر العقاب و لما تجي تحط الاكل والشرب لها عطها امر الجلوس وحطهم لها و تجاهلها قد تتجاهلك هي وتعاملك بالمثل " قد واجهتني هذي الحاله " ولكن خلك انت مثل ما انت ماتتغير وبتلاحظها كل يوم بتاخذ اسلوب تتعامل معك ( عشان ترضيك ) بس بالاخير هي تحبك وبترجع تسمع كلامك بتشوف اخر شي بيطيح الي براسها وبترجع مؤدبه بالنسبه للتريت لا تعطيها بكرم عطها ببخل شوي عشان تنفذ الاوامر حتى بدون تريت ان شاءالله تنفع هذي الطريقه معها ومعليش طولت بالحكي لك كل الاحترام والتقدير موفق __________________ دائماً عامل الناس على مبدأ إن لم ٺنفعہ فلا ٺضره ، و إن لم ٺُفرحہ فلا ٺغمّہ ، و إن لم ٺمدحہ فلا ٺذمہ ! مبدأ جميل ♡