[fawzi]

المشاركة الأصلية كتبت بواسطة محتارة

السلام عليكم ورحمة الله وبركاته

ابيكم تساعدوني .. عندي ببغاء كاسكو الافريقي الرمادي

كان ماشاءالله زين شريته كان عمره 6 شهور تقريبا بس بعدها بشهر كذا كمل الفول السوداني حقه

والصراحه حسيت بعجز ان اروح المحل اخذ له فـ رحت محل للمكسرات وخذيت منه وقلت له ابيه بدون ملح فـ عطاني

يوم رجعت البيت ذقته الا طلع محمص لكن قلت يمكن عادي ياكله .. اكله عادي ..

بس بعدها باسبوع تقريبا اشوف القفص حقه الا مليان ريش وصار ينتف ريشه بجنون

لدرجه ان الجلد بجناحه من فوق صار لونه احمر

خفت وديته للحمل حق الطيور قالي حساسيه ولما عرف ان عطيته فول سوداني محمص قالي فيه ملح قلت له اي خفيف عصب قالي هذه حساسيه صار له جفاف وصار ينتف ريشه عطاني بخاخ قالي استخدميه لمدة ثلاث ايام وبعدها روشيه

استخدمته خف اشوي عن التنتف وراح الاحمرار لكن بعدها كذا صار ينتف الحين ريشه خفيف حيل حتى طلع له ذيل ونتفه

هو يخاف بعد حيل من اقرب منه يصرخ احاول امسكه واقرب يدي منه يعضني كم مره يطلع دمي

الاسبوع اللي راح يوم الاحد روشته وقبل امس الاحد روشته بعد

وهذه صورته امس صورته يعورني قلبي عليه مادري شنو اسوي ساعدوني الله يخليكم

لو تركزون بالريش تشوفون قشره فيه

شوفوا جناحه شلون صاير

وهذه صوره ثانية له بعد

كانت عنده لعبه خشبيه ملونه.. بس امس قريت موضوع هنا بالمنتدى ان لازم يكون الخشب بدون لون وان لازم ينقع بماي حار حتى يروح اللون .. فسويت مثل ماهو مكتوب

هو ياكل حب شمسي + فول سوداني + حبوب متنوعه ومعاها فواكه مجففه لكن ماياكلها هذا كله خذيته من محل الطيور

بس الفول السوداني ما اكثر له اشوي بس احط له ..

الحين ينتف بس قليل لكن قولوا لي شسوي حتى امنعه ان ينتف ويرجع ريشه طبيعي

الله يشفيه ان شاء الله انا نصيحتي انج تودينه للبيطري عندهم طوق بلاستك ينحط حو الرقبه هذا الطوق يمنع الطير من النتف...اما بخصوص النتف له عده اسباب وعلى فكره الفول السوداني مال اي علاقه في النتف لان نتف الطير لريشه له عدة اسباب منها يكون حساسيه وايضا الحساسيه لها اسباب مثل الاضاءه الكثيره او الاضاءه الضعيفه او بعض الحشرات الصغيره التي تتغذي على دم الطائر وهذه الحشرات تنشط في الظلام ويوجد ايضا مرض اخر وهو وبائي يصيب الطيور ولاكن لايظهر عليها المرض الابعد فتره طويله وهو فايروز يصيب الطيور في موطنهم وعن طريق الشحن حيث يكون بعض الطيور غير مصابه بهذا الفايروز ويوجد طيور اخرى مصابه وتنتقل العدوى عن طريق الخلط مع بعضها في الاقفاص ..اما السبب الاخر ايضا يكون الطائر عنده نقص في الفيتامينات ..اما السبب الاخير وهو يصيب اغلب الطيور وهي الامراض النفسيه وسببها هي الاهمال وترك الطير لوحده لفتره طويله ....انا انصح انج تعملين فحص دم وبراز لطيرك وانا متاكد انه فايروز والله اعلم ....