|
رد: >> طريقة استيراد الكلاب بالتفصيل << حصري
اولا ... يعجز اللسان .. ترتيب ممتاز جدا و نصائح جميله والله هذا الموضوع قوي
و بدون اي مجامله هو الموضوع رقم واحد اللي اقدر استخدمه كمرجع لهذه المراجعات .
يعطيك الف عافيه اختي نونا و تسلم الانامل .
انا مريت بالتجربه هذي اول مره و تعبت بسبب عدم وضوح الاجرائات .. في المواقع الحكوميه تلقين
كلام و لما تجين لارض الواقع تطلع لك الف شغله و شغله .
اختي نونا موضوعك يستحق التقييم و ياخذ خمس نجوم و ختم و نخب اول  ما قصر بو فهد
و باذن الله راح اضيف شوي ديكومنت من اللي كانت عندي اذا حصلتها ان شاء الله عشان تتضح الاليه كامله .
فيه اضافة بسيييطه لجزء التحديث السنوي .
في الدمام عندهم مشكله في التحديث .. قبل فتره كان الجيرمن شيبرد ممنوع مع انه غير مذكور في اللسته
انا شفت نفس اللسته اللي انتي ارفقتيها بالصور .
لكن تعميم الجيرمن شيبرد كان لحاله و جاي من وزارة الداخليه .
اعتقد تم الافساح عن الجيرمن شيبرد بالرياض لكن الدمام للاسف الى الان ما حدثوا لستتهم .
اضافه اخرى بسيطه .. انا انصح اي شخص يحاول يتفاهم مع البريدر و يخليه يرسل فاتوره قليلة الثمن للكلب
عشان اذا جو يجمركون ما ياخذون واجد فقط للاحتياطات >>> سويتها .
في مبالغ اضافيه قليله تدفع لقسم الشحن في المطار و الجمارك .. ما اذكر كم بالظبط لكن ما اعتقد تتعدى 300 ريال
و باذن الله اذا لقيت الديكومنت اللي كانت عندي بسوي لها سكان و لي عوده للموضوع .
مره ثانيه اعبر عن شكري لك يا مشرفتنا و لمواضيعك البطله رغم ان الشكر بحد ذاته لن يفي ولن يكفي .
تحياتي لشخصك الكريم .
|