[Super.Charg]

أخواني بعد مآوديت الكلب والكلبه للبيطري
صآإرت الصدددددمه
الكلبه طلع عمرها من 6 إلى 7 شهور ومآتقل عن هالعمر
وقام يظحك الدكتور يوم قلتله 3 شهور او 3 ونص
وراواني الفك العلوي وحسب مآفهمت منه < لانه روسي ويتكلم انجليزي شوي شوي
ان الفك العلوي ظاهره انيابه واسنانه كللها وقالي عندها مشاكل فالجلد ومشاكل فالإيد
لان في شي مبين كأنه عظمه او دبله طالعه فوق كف اليد بـ كم سانتي . . قالي اللي كذي
يكون عندها مشكله فاليد وعطيها كالسيوم وانشالله امورها تتحسن
وعطاها ابرة مشاكل الجلد وقال التطعيم جيبها بعد اسبوع يعني يمكن اوديها اليوم او 2 يوم العيد
وعطاها حبتين لتطعيم مضاد الدود . . انا انصدمت وقلتله يعني مش بيور ؟ لانه قال ابداً مآبتوقف الأذن خلآص . . قالي لا الكلبه بيور بس حتى لو انها بيور وماتم رعايتها من وهي صغيره بتصير عندها مشاكل
اما الجرو فـ سليم ومىآفيه شي وعطاه التطعيمات كلها وتطعيم الدود
وسويت لهم الجوازات والمايكروجب
بعد كم يوم قلت بجرب دكتور مصري ولد خآلي تعامل معاه لما كان شاري كلاب سلوقيه وكانت هياكل عظميه اعوذ بالله ومافيها حيل تسوي شي ومشى على كلامه كم شهر صارو 1000% فـ انا قلت بشوفه . . سألته وقالي نفس الشي الكلبه عمرها من 6 لـ 7 شهور فالي بخصوص الأذن انا بعطيك بيكومبلكس عشان الأعصاب واعطيها سكوب من الكالسيوم وسكوب من البيكومبلكس او الفيتامين B اسمه على ماظن للأعصاب وخلهم مدة شهر .. قال مشكلة الدبله فاليد اسبوعين 3 وتروح لاكن قلتلك شهر عشان نشوف الأذن بتوقف او لا واذا مآوقفت يعني خلآص مآفي امل توقف اذن الكلب وكل ماكلمت حد عن ربط الأذن قام يظحك ويقولي كيييف وكييف وانا مآعرف اجادل لاني مش خبير صراحه

وللعلم الدكتور الروسي قال ان البيدجري مآينفع يعني مآيختص فالكلاب ويركز زين فيهم
وقالي خذ رويل كانن مآكسي جونيور للكلبين بس انا قالي صاحب المحل خذ جيرمن شيبرد جونيور احسن لانه يديد ويختص في هالكلاب

وخذيت اكبر كيس والأكل يكون صبح ظهر او عصر و مغرب او ليل
الكلب كوب الصبح وكوب الظهر وكوب المغرب او فالليل
الكلبه وجبتين وكل وجبه مخليها كوب ونص

بس المشكله يوم احط للكلاب البودره مآياكلون الأكل واحياناً حتى بدون البودره فالوجبات الثانيه مآياكلون الاكل ولو كلو ياكلون شوي بس يشربون المآإي وبسس
فـ مآعرف شو الحل لان مشكله ولازم يتغذون وياخذون الفيتامين B والكالسيوم

الكلب عمره شهرين الى 3 شهور تقريباً
الكلبه 6 إلى 7
وانا الحبيب جىآيبهم عشان يتزاوجو
مآعليه الصغير يكبر انشالله وبيتزاوجون

مآقول الا حسبي الله عاللي باعني الكلبه لانه غشني فيها وانا مآعندي خبره < ناس مآتخاف الله
لاكن مآعليه انا بهتم فيها وبوصلها مستوا مآراح يتوقع انها توصل له اذا باعها لي
وكلله بمساعدتكم وعلى كلام البيطري وانشالله يصيرون احسن واحسن

ممكن حد يقولي افضل طريقة لتعليم الكلب مكان التبرز وافضل طريقة للتنظيف من التراب او العشب او ارضية حوش البيت ( الباسكو ) وبدون روابط لو سمحتو لاني مآفهم لهم
ابغي شرح مبسط و وآفي جزاكم الله خير


وعطوني رايكم بخصوص كلام الدكاتره وبخصوص الأكل اخواني وبخصوص الأدوية الي خذيتها للكلاب