[شاهستا]

اهلا بيكى

طبعا القطط صغيرين ميعرفوش اى حاجه وبكل سهوله ممكن يقعوا زى ما بتقولى

مادام الغرفه الى انتى حطاهم فيها درجه حرارتها كويسه وموفره ليهم كل حاجه زى الاكل والمايه والليتر بوكس

يبقى اقفليها ومتخرجهمش منها لانهم هيتعبوكس لو بقوا منتشرين كدة فى البيت وممكن انتى او اخواتك تدوسو عليهم من غير ماتشفوهم

فالافضل تخليهم فى مكان مغلق وسيبيهم ينونو براحتهم

لو القطط تمت شهر تقدرى تاكليهم بيض مسلوق وسيريلاك بالارز او القمح ودجاج مسلوق ولحم مسلوق مع الخضار

وجبنه مثلثات ودراى فود للكيتن

والكيتن الى مش بياكل ياريت تدوقيه حته صغيره فى فمه عشان يستطعم الاكل ويرضى ياكل

الليتر بوكس مامتهم هتعلمهم بس زى ماقولتلك لازم يكونوا فى مكان مغلق عشان تعرف تتحكم فيهم

ودايما بيعملوها بعد الاكل بخمس دقايق تقريبا

الاظافر مش دلوقتى لما يتموا 3 شهور ان شاء الله تقدرى تقصيهم