[شاهستا]

اهلا بيكى

اول حاجه تعميلها تنظفى اذن القطه كويس جدا وفى الموضوع دة هتلاقى طريقه التنظيف الصحيحه

http://www.2zoo.com/vb/showthread.php?t=143476

طبعا هتحطى على القطه من قطره واكسول الى انتى شارياها دى

بس هتحتاجى من الصيدليه البشريه قطره ديترمايتن

بعد التنظيف هتقطرى فى كل اذن نقطه مرتين يوميا

اما الفطريات الى فوق العين طبعا مش باينه عشان انتى حاطه بيتادين

حمى القطه بشامبو نيزرال ونشفيها كويس جدا جدا

وبعدين حطى على الاماكن المصابه حتى الى فى صوابعها بيتادين(( سائل )) مش مرهم

وهتشترى من الصيديله الشبريه مرهم بنزانيل او لاميزيل او ديكتارين المتوفر عندك

والعلاج دة مرتين فى اليوم وتعرضيها للشمس

وكمان طهرى دايما المكان الى موجوده فيه بالديتول

بس متكنش هى موجوده لانه مسمم للقطط

استمرى على العلاج وانتظمى فيه هتلاقيها خفت فى خلال 10 ايام ان شاء الله