[Skippy]

السلام عليكم
اول شي اعتذر لكم على كثرة اسئلتي ومشكلاتي واستفساراتي
والله يعينكم علي

كلبي جاه فايرس قبل 3 اسابيع تقريباً واتعبني وكل يوم رايح للبيطري وجاي
ومعاناه معه فرغت كل وقتي له
والحمد لله تحسن الكلب لكن ما اقول انه شفي تماماً لأنه للحين خامل
وللعلم الكلب فيه زكمة ويعاطس وطبعاً رحت للبيطري واعطاه ابرة وقالي بالليل طفي المكيف والنهار شغل المكيف على درجة تبريد متوسطة .

المهم من عادات كلبي قبل المرض
نشيط جداً ويحب اللعب بأي شي \ والحين شبه خامل وما يعطي للألعاب اي اهتمام ، اشتريت له لعبة جديدة لكن ما اعطاها اهتمام .
يركض كثير بانحاء الحوش \ الحين مستحيل يركض فقط هرولة ، حاولت اني اركض وانا مركب عليه الليش لكن ما يركض ابداً.
شهيته كبيرة وياكل اي شيء \ والحين شهيه عادية
اذا شاف كلب ينابح عليه ويسحبني من قوته ونشاطة \ الحين بس يطالع في الكلب ولا ينبح ولا شي
اذا اجتمعت مع قريب لي ومعه كلب من نفس النوع جيرمن شبرد كان يلعبون \ لكن الحين غير مبالي له

والله كلمت بيطري وقالي مادام انه ياكل فهذا شي عادي
قلت له لازم تكشف عليه
ورحت له وكشف وقالي سليم مافيه شي

--

وصار الكلب خواف من كثر مايروح للبيطري وياخذ ابر
يعني صار يدخل ذيلة بين رجولة بعض الاحيان
كيف اخليه يتغلب على الخوف ويرجع طبيعي ؟

والوزن نقص وزنه 4 كليو تقريباً
ولاحظت عليه نحف جسمه


ملاحظة: التطعيمات كاملة ، البراز (اكرمك الله) طبيعي ولونه اسود .


ومعليش طولت عليكم
وجزاكم الله الف خير