|
مشكلة قططي مع صغارهم والرضاعة
مرحبا احبتي
انا عندي مشكلة محيرتني واتمنى القى الحل عندكم ..
انا عندي قطتين اناث أخوات يحبوا بعض ويخافوا على بعض
ربيتهم من كانوا صغار لأنهم انولدوا في البيت من امهم اللي هي قطتي الام
بس المشكلة انهم للمرة الثانية كل وحدة فيهم تحمل وتولد بدون فايدة
أطفالهم صغار جدا جسمهم ضئييل جدا تقريبا حجمه نصف حجم القط حديث الولادة العادي
وهم ما يعرفوا يرضعوا اطفالهم وكأني انا اللي اعلمهم
احاول معهم بكل الطرق حتى اني اجيب حليب وانقطه في فم الصغار وفي النهاية يموتوا
مع انهم يحبوا اطفالهم بس يجلسوا ثنتينهم مع بعض واطفالهم معهم
بس بدون ما يرضعوهم يلعقوهم بلسانهم وما يرضوا ابعدهم عنهم ويجلسوا بس يتفرجوا عليهم
وأحيانا يناموا عليهم وانا بس شغلتي اطلعهم من تحتهم وأحاول اخليهم يرضعوا شوية
وبعد ينبسطوا لما كل وحدة فيهم تداعب الثانية وتلعق شعرها مثل اطفالها
ويسخسخوا على كذا بدل ما يرضعوا اولادهم !! احترت معاهم
مستغربة وين غريزة الأمومة ؟
ووش السبب اللي يخلهم يتصرفوا بهالطريقة ؟
وتحياتي لكم ..
|