السلام عليكم..
اخباركم شباب؟ عساكم طيبين؟
انا والله زهقت مع كلبي خلاص وكم مرة قررت اني ابيعه كل ما ابعد عنه ارجعه وبعدين ارجع اكره مرة ثانية لانه غبي!
الحين عمره صار سنه جيرمن شيبرد
وديته عشان يتدرب حراسه ما نفع ما يسوي نفس ما كل الكلاب الثانية تتدرب وانا بنفسي شايف انو مب نافع.. الكلب في مشاكل كثير وانا مادري ابدأ بايش ولا ايش..
السموحه اذا باطول عليكم بس استحملوني لاني زهقت والله منه@@
الكلب اول شي وديته عن واحد خليته عنده لانو ما كان في امكانية انو اخلي الكلب معاي فالبيت.. المهم كانت فترة طويلة بس لما اروحله اشوف يجري عليه وينط فوقي.. يعني تقريبا متذكرني..
اقوله sit يجلس وcome يجي يعني هالاوامر تقريبا متذكرها .. بس ما اعرف امشي معاي كيف ولا ابدأ كيف والكلب صار كبير يعني عمره سنه وناس كثير يقولولي انه خلاص الكلب خواف وما بينفع يتدرب! وانا محتار ينفع يتدرب ولا لا ولا بضيع وقتي وفلوسي عالفاضي.. ! انا حزين عليه..
الكلب يخاف..
اكون ماشي فالشارع يسمع اي كلب ينبح يبي يركض مني يهرب يعني ويخاف حتى من السيارة لما تمر جمبه يركض وينفزع ..
انا ما اعرف ايش ابدأ معاه ولا انسى موضوع انه يتدرب ويكون كلب صح!
وفي بعد مشكلة .. تخيلو الكلب الله يعزك لما يقضي حاجته ما يرفع رجله.. نفس القطوة يسوي.. وعمره سنه., يعني مو جرو .. انا كل هالمشاكل مو قادر افهم وتعبت عنجد نفسيا معاه ويأس كاااامل!
وارجو منكم الافاده ويعطيكم الف عافيه..
السموحه اذا طولت!