[zoo_view]

ماشاءالله عليك دايما مميز في مواضيعك ياخوي سكر و فعلا موضوع قص الاظافر من المواضيع المهمه و مجهودك واضح و تشكر عليه و عسى الله يوفقك في عملك و اذا تسمحلنا نظيف كم شغله ممكن تكون مهمه و يمكن تفيد بعض الاعضاء ...


بنتكلم عن حالة الاصابه او قص الظفر اكثر من اللازم وخروج دم و من خبره متواضعه نقدر نقول انه هناك طريقتين اساسيتين لأيقاف الدم ..


الاولى هي الطريقه الطبيه بأستخدام بودر او جل اسمه styptic و هذا منتج معروف عند كل البيطريين و فيه منه على شكل جل وعلى شكل بودر ويعمل على تخثر الدم و بالتالي توقف النزيف


الثانيه و هي الطريقه البلديه او بالكويتي نقول شغل بيت هههه و الطريقه انك تروح المطبخ و تبحث عن نشا الذره او طحين الذره و تصب منها في صحن عميق شوي و تثبت رجل الطير فيها و باذن الله بدقايق راح يوقف


ومعلومه اضافيه : وضع الطير على جنب يخفف من النزيف و يفضل عدم ترك الطائر بحالة الوقوف حيث ان ذلك يزيد من سرعة النزيف ان كان قوي



وسامحونا على الاطاله و نتمنى السلامه لطيوركم و لكم ان شاءالله و تقبلوا مرورنا