رد: ما هي مميزات دجاج باكستاني الاصلي
يا هلا وغلا
حياك الله في منتدانا
ترى مسألة الدجاج الباكستاني ومعرفة مواصفاته مش سهلة
بمعنى تشتري ديك بـ 20 وتشتري ديك بـ 500 يعني حسب المواصفات
الأهم انك تعرف تشتري
وبالاردن الناس يخلطوا بين الدجاج الباكستاني والفارسي والهندي
بمعنى انهم يشبهوا بعض مع اختلاف العرف والراس
فاذا نويت تشتري اشتري اللي العرف عنده دكة مش عرف
ويكون لونه اسود والمنقار قصير وغليظ وعرض الراس ما يقل عن 5سم ويكون ارتفاع الديك عالي
ويفضل انه يكون عمره اكثر من سنة او تشوف الامهات اذا اقل من هيك
ويكون الراس فيه لفه والمنقار ملفوف للأسفل
ويكون اله جرجور ودلايات
يعني قبل ما تشتري اتأنى
والمعلومة الأخيرة انه كتجارة فهو مربح والناس يدوروا على الغالي مو الرخيص
لأنه الباكستاني الرخيص يتم بيعه مثل البلدي او اغلى شوي وما حدا يشتريه
وهاي صورة ديك باكستاني
وهاي صورة ديك فارسي اللي يقولوله الناس بالاردن باكستاني
شوف الفرق بينهم
والله يوفقك
|