[Fahad.M]

السلام عليكم اخواني اعضاء المنتدي المميز
انا سويت هذا الموضوع بما اني مبتدى واول مره اقتني ببغاء كاسكو افريقي
حاليا له اسبوع وهذا الاسبوع الثاني له عندي ان شاء الله
طبعا في البدايه ماكنت اعرف شي بس حاولت اقرا واقرا كثر والحمدلله استفدت ولو بالقليل بس الخير ضروريه وما خاب من استشار

الكاسكو اللي عندي عمره 3 سنين او اقل ودايم على الستاند مكانه وبالصاله احطه واوقات اجيبه بغرفه الجلوس اذا اجتمعنا فيها
وهو اليف يعني اذا جيت عنده وقلت راسك ورفعت يدي ينزل راسه ويخليني امسح عليه بس يثبت منقاره بشي مثلا مكان المويه او الحب ويخليني امسح
بالنسبة لرجله لي فتره المس رجله طرفها وبعدها اعطيه حب وعلى هالحال اكثر من يوم وحاليا اقدر المسها اكثر من اول
بس اللاحظ فيه تردد وخوف ماادري ليه ؟؟
طبعا اوقات الصباح اطلعه الحوش واجلس معاه في الظل لانه الجو مره حار هالايام وخصوصا احنا بالصيف اللحين ووقتها يبدي يرفرف اجنحته ويصفر اخليه اول شي وبعدها احاول المس راسه وامسح عليه واعطيه حب كمكافئة بس برضوا اشوف منه خوف ويبعد عني ؟؟والا اوقات عادي
بالنسبه للتصفير اوقات اذا كنت بالغرفه اسمع تصفيره اشكال كثيره واوقات لما اكون عندي مايقول شي وبس ينفش ريشه ويحكك نفسه مره اجنحته ومره يرفع رجله ويعضضها ماادري وش يسوي واوقات منقاره يحكه بالستاند لان قبل فتره كسر خشبه الستاند وحاليا جبت له كالسيوم وخليته في الصحن الا ان يتعود عليه واعلقها له،
الكاسكو مايطلع علي اليد واوقات لما ابغى احطه بالقفص مااقدر فاخليه واذا نزل من حاله وجبت الغطا حق القفص اول يطلع عليه وحاليا يمسكه بمنقاره ويدفعه باتجاهي يعني مايبي بس ماادري ليه
وبالعكس انا معاه كويس
ارجوا منكم اخواني اعطائي اكبر قدر من المعلومات او النصائح في مثل هذا الوضع بالاشياء اللي لازم اتخذها معاه مع العلم حاليا البيت فيه اطفال اخواني وخواتي بس قايل لهم ابعدوا عنه لانه يعض ويطير انتبهو منه وبرضوا مايحب الازعاج لانه بيهجم على اي احد يرعجه لان هذي افضل طريقة استخدمه معاهم لانهم بصراحه عادي
وبالليل من الساعه 11 احطه بغرفه فيه مروحه ارضيه تشتغل واخليه مع اضائه هادئة عشان النوم

وبانتظاركم اخواني والله يكتب لي ولكم التوفيق