[فاتـــو]

منورين بقصصكم الجميله وتجاربكم

::::::

بحكي لكم قصه صديقي العزيز " توكتوك "

هذا القط يمتاز بوجهه المسطح نسبيا مع انه قط بلدي حصلته في الشارع وربيته من هو عمره 5 شهور

كان حبوب مره ومايحب يضرب احد ولا يؤذي احد واذا انضرب مايسوي شي الا انه يعمل خرخره طول اليوم ويبي يجلس بحضني وبيني املس عليه

كان العيب الوحيد اللي فيه انه يخطف الطعام من اليد او من الصحن

ودائما نلاقيه سارق دجاجه كامل او قطعة لحم او سمكه ( كان مجرم )

مع انه يكون شبعان لكن الطمع يجري في دمه

هذا القط الوحيد اللي كان ينظر في عيوني اطول وقت ممكن بدون مايمل

ويوم اكلمه يرد علي بمواء خافت ويجي عندي ركض

ربيت هذا القط تقريبا 3 سنين والله يشهد كانو اجمل سنين عمري معه قط متسامح بسيط وحبوب ولعوب




وفي ليلة مشئومة طلع السطح يقضي حاجته كالعادة وجا قط كبير وضربه وجلس يصارخ انا كنت نايمه وقتها لكن اختي كانت سامعته وماقدرت تجيبه

المهم يوم صحيت الصبح دورت عليه في كل مكان ولا لقيته

وجلست ادوره بالشارع واسأل الناس عنه

ولا لقيته

مدري وش علاقة الهوشة اللي صارت بس شي يحير فعلا

جلست اسبوع على هالحال لين نمت يوم وحلمت انه كان في البيت واختفى فجأة

وعرفت في المنام انه ماراح يرجع مره ثانيه

صحيت من النوم وحسيت ان هذا المنام فسر لي غيابه وهو انه مــات

وحسيت بعدها اني ارتحت وما في داعي انتظره بس بعدها اصبت بإكتآب شديد

مر على غيابه الحين اكثر من شهر وماله اثر

وخلاص رضيت بقضاء الله بس انا متأكده من اني ماراح الاقي قط مثله بحياتي

القصة كئيبة شوي بس حبيت افضفض

هذي صورته