[iDanger]

المشاركة الأصلية كتبت بواسطة Mahomie

السلام عليكم ورحمه الله وبركاته
وعليكم السلام

ادخل في الموضوع على طول... انا عاشقة حيوانات وبقوه ربيت كلاب كثثيير وانا صغيره بس ما كنت ابحث واقرأ عنهم ابدا

يعني انا احط لهم من الغداء حقنا على جمب واعطيهم المهم اني لي فتره اكثر من سبع سنين ما ربيت اي كلابه
لان اكتشفتا انه حرام بالبيت والخ.. فاتعمقت بالقطط وبديت اربيهم واقراء عنهم الا ان طلع مرض الكورونا واهلي شالو القطط وباعوها المهم اني حاليا ابني استراحه وناويه بأذن الله احط فيها كلب واذا شفت ان صحته حلوه وربيته كويس وضمنت اني اعرف له بشتري ثاني بأذن الله

انا عندي اسأله كثييير بتعبكم معي اسفه
بس ما ودي اجيب كلب وانا ما اعرف له

طيب ببدأ بالاسأله ؛

1- قريت كثير ان صفار البيض كويس للكلابه ، طيب لازم اطبخ الصفار ولا اعطيه الكلب نيء ؟ واذا نيء كيف اعطيه ؟ احطه مع اكله او مع المويه ولا اعطيه الصفار لوحده وهو بيأكله؟
صحيح هو مفيد جدا وانا اعطي كلب يوميا حليب قليل او خالي الدسم مع حبتين بيض او حبة الي يريحك واخلطهم واعطيه
2- بما اني بحط الكلب بأستراحه لازم اجيب له ليتربوكس ولا عادي ادربه يعملها بأي تراب بالاستراحه؟
مثل ما قال اخونا ابن سورية
3- انا ابي كلب يكون حبوب ولعوب بس بنفس الوقت يحرس بس ما ابيه شرس ؟ حست رأسكم ادري ههه يعني ابيه يلعب معي و اقدر المسه وامشيه وكذا بس ابيه يحرس الاستراحه وانا مو وجوده ؟ بأي نوع من الكلابه تنصحوني ؟ انا مرره احب الجيرمن ونفسي بواحد بس احسه مو حق لعب ودلع ؟ ايش رأيكم ؟ وابي طرق تدريب على الاشياء اللي قلتها ؟
مع كلام الكبير ابن سورية
4- انا ماراح اكون بالاستراحه كل يوم بصير يوم اروح ويوم لا فا هل ينفع اني اسوي كميه اكل كبيره واحطها بالفريزر والعامل كل يوم يطلع كميه على قده و يحميها ويعطيه ؟ وايش الاكلات اللي ينفع تنحفظ لفتره طويله ؟ لو عندكم وصفات يكون احسن

نصيحة من مجرب استعملي دراي فود رويال كانين واذا على كلامك عمره اربع شهور وفوق استعملي رويال كانين ماكسي جونيور والكمية محددة بالكيس وهو موجود بالرياض والاكل يوضع بمكان بارد وبعيد عن الشمس عشان ما يخرب
5- مثل ما قلت ما راح اكون بالاستراحه كل يوم ، انا افكر اجيب جرو عمره ما بين ال4 الى 6 شهور عشان يكون لسى ما تدرب وادربه بنفسي ووعشان برضو يقدر يستحمل انه يقعد وحيد بعض الايام ، هل العمر اللي اخترته صحيح او لا؟ واذا لا فما هو العمر المناسب ؟
اربع شهور
6- انا بحط حيوانات ثانيه مثل البط والدجاج بالاستراحه فما اقدر اخليه يمشي على كيفه طول الوقت هل ينفع اني اربطه بليش بس يكون طويل ؟ واخلي العامل يفك الكلب ساعتين يوميا يلعب ويدخل الحيوانات الثانيه؟ واذا ما ينفع فمالحل ؟
مع اخينا ابن سورية
7- انا اعرف ان زيت كبد الحوت زين للقطط و اعرف فوائده للقطط والخ... هل له نفس النتيجه اذا اعطيته للكلب ؟
مفيد لشعر وبالنسبة للانواع انتبهي في انواع مغشوشه وانواع اصليه احذري .. والكمية حبتين باليوم
8- انا اعرف ان الدراي فود مو زين للقطط ويسبب تساقط شعر اذا اكثرت منه وهو مكمل غذائي لا اكثر ، هل هو نفس الشيء بالنسبه للكلاب ولا لا ؟ اتوقع اني بصير اجيب دراي فود واعطيه الكلب كتريتمنت اذا اطاعني وبرضو يصير مكمل غذائي ، هل الطريقه هذي صحيحه ؟
بالعكس الدراي فود الي مثل رويال كانين مفيييد جدا
9- المعلبات برضو بالنسبه للقطط مو كويسه بس مو مضره بنفس الوقت تعتبر وجبه كامله لكن الاكثار منها مضر ، هل هو نفس الشيء بالنسبه للكلاب ولا لا ؟ واذا لا فاتمنى تشرحون لي


فضلاً وليش امرا انكم تحطون رقم السؤال جمب الجواب تبعه عشان ما يصير حوسه

شكرا مره واسفه اني تعبتكم معاي

في خدمتك يا اختي واسمعي كلام اخونا ابن سورية والهولي بس يشوف الموضوع راح يرد عليه

وايضا اشكر الاخوان ردو عليك وساعدوك وتسابقوا بالردود خلال ساعات
عكسي انا مشكلتي لها يومين ما رد علي الا ابن سورية وعضوين فقط ما قصروا وما حل لي المشكلة الا اخوي r22d ما قصر <<واعتذر اذا ردي مخالف قوانين المنتدى


تحياتي لك..