|
الكتاكيت كبروا وماعرف الديج من الدجاجة ؟؟!!!! + صور دجاجي
السلام عليكم ورحمة الله وبركاته
اخواني الاعزاء
قد يكون لي بعض الفضل بتربية هذه الكتاكيت
ولكن انتم لكم الفضل الاكبر ببقائهم على قيد الحياة
فأنتم وماخطتهم يداكم على جدران هذا المنتدى اوصلني الى هذه المرحلة
وبالتأكيد بعد فضل الله وقوته ورضاه وله جزيل الحمد والشكر على رحمته ونعمته
اليوم حبيت اطرح كم سؤال لحضراتكم وكذلك اشوفكم صور كتاكيتي من كانوا زغار ومن كبروا
طبعا اني عندي نوعين من الدجاج ( اثنين مصلحه واثنين عرب ) وهذي اول تربية الي يعني ما امربي دجاج سابقاً
اولاً نبدي بكتاكيت المصلحه ( لاحم )
هذي الصور قبل فترة من كانوا زغاااااار اول مشتريتهم
وهذي الصورة قبل كم يوم تقريبا قبل اربع ايام
وهسه دجاج العرب ( البلدي )
صورة اول ماشتريتهم
وهاي صورهم حالياً
ويارب تكون عجبتكم الصور
هسه عندي كم سؤال
كيف اميز بين الدجاجة والديك بيناتهم ؟؟؟
متى يبلغ الديج او الدجاجة النضوج الجنسي (يعني الدجاجه تبيض والديج يصير رجال ) ؟؟؟
متى يستطيع الديك ان يصيح ( يعوعي ) ؟؟؟
اني سابقاً كنت اوكلهم علف معين يسمى عدنا بالعراق ( علف سوري ناعم )
وهسه اوكلهم خبط ( علف + خبطه حنطه وشعير وذره وهوااااااااي انواع مخبوطه )
تنصحوني استمر عليها لو احول على اكل البيت ؟؟؟
لأن سابقا كنت انطي رز وكل انواع وفضلات اكل البيت لكتاكيت المصلحه ( اللاحم ) وهسه عندي كتكوت مصلحه كلهم يكتلهم ( اوكحهم واقواهم )
ماعرف اذا كان السبب هو الاكل او لا ؟؟؟
فأريد نصيحتكم استمر على الخبطه الي اشتريها من السوق لو انطيهم اكل البيت
تحياتي وحبي للجميع وارجو منكم التقييم والسرعة بالرد على اسألتي داعي من الله عز وجل ان يوفقكم لكل خير
|