[ProOoF]

المشاركة الأصلية كتبت بواسطة ابو عبدالله3

اهلا اخوي prooof صراحه ماا قصرت جزااك الله خيير من فتره وانا افكر اشتري لي جوز وبعد ما قريت الموضوع ابشرك شريت جوز قبل حواي شهر بس عندي بعض الاستفسارات :

1- انا اعتدم اعتماد كلي على ضوء الشمس اللي يدخل من الدريشه مع العلم ان الدريشه باتجاه الشمال والا الشرق قليلا فهل هذا الشيء عادي ولا لازم اشغل اللمبه

2- درجة الحراره واما ادراك ما درحة الحراره صراحه من اكثر الامور اللي رددتني اني اشتري الجوز هي درجة الحراره لاني قريت كم واحد ان بيضه فسد وهو ملقح بسبب تغير درجة الحراره, وما اعرف كيف اثبتها على درحة حراره معينه

3- هل يلزم في هذا الجوء البارد ان اضع لهم دفايه مع العلم انهم في غرفه جدران (بلك) ولكن بدون عازل؟

4- صراحه الاكل انا اعتمد في الاكل على الاكل البلجيكي المخلوط وقليل احط لهم فواكه وخضار ممكن كل اسبوعين الا ثلاثه مره لاني ما ادخل عليهم الا كل يومين او ثلاثه فهل هذا يضرهم ويخرب الانتاج او ياخره؟

5-انا يوم احط العش نسيت ما ارش فاش او مبيد حشري فهل هذا الشيء ضروري وماذا اقعل؟

6-احب استشيرك في موضوع , انا حاط لهم كاميرات مراقبه تصوير ليلي + مراقبه من النت وحده برا ووحده جوا العش ولكن اللي جوا العش كسروا القزازه اللي تصفي الصوره فالصوره طالعه كانك تشوف من تحت المويه فهل اخرج الكاميرا من العش لاصلاحها لاني ان طلعتها بسبب لهم ازعااج لاني بطلع الجوز واصك مدخل العش بعدين اطلعها وازينها وكذلك اذا جيت اركبها ام اخليها على ماهي عليه

وارجوا انك تجاوب بالتفصيل كان ما عليك كلافه

واهم شي نصاايحك في الانتاج عااامه ما نستغني عنها

جزااك الله خيير والله يجعل ما تقدمه في ميزان حسناتك

حياك الله ياخوي و جزاك يارب و مبارك عليك الزوج و بأذن الله ربي يكرمك فيه

1- انا اعتدم اعتماد كلي على ضوء الشمس اللي يدخل من الدريشه مع العلم ان الدريشه باتجاه الشمال والا الشرق قليلا فهل هذا الشيء عادي ولا لازم اشغل اللمبه

ممتاز ولا يفرق الاتجاه المهم ان الضوء يدخل للطيور فتره كافيه ولا تحتاج اضاءه

2- درجة الحراره واما ادراك ما درحة الحراره صراحه من اكثر الامور اللي رددتني اني اشتري الجوز هي درجة الحراره لاني قريت كم واحد ان بيضه فسد وهو ملقح بسبب تغير درجة الحراره, وما اعرف كيف اثبتها على درحة حراره معينه

بسيطه بأذن الله

تحتاج شغله بسيطه مقياس درجه حراره اما اكتروني او العادي

والعادي مؤدي للغرض وقيمته مابين 10-15 ريال

حطه بمنتصف الغرفه و اضبط التكييف وراقب درجه الحراره بالتيرمو الى ان تصل

للدرجه الي تحتاجها وهي مابين 23-28 وتقدر توزنها عن طريق المكيف نفسه

3- هل يلزم في هذا الجوء البارد ان اضع لهم دفايه مع العلم انهم في غرفه جدران (بلك) ولكن بدون عازل؟

جونا مثل جوكم تقريباً حاليا بالليل لنا كم يوم درجه الحراره 9

ولم أستخدم الدفايه , خطورتها اكثر من نفعها الدفايه

بأذن الله مافي خوف ع الطيور لكن اذا حبيت تشغلها هالأمر يعود لك

4- صراحه الاكل انا اعتمد في الاكل على الاكل البلجيكي المخلوط وقليل احط لهم فواكه وخضار ممكن كل اسبوعين الا ثلاثه مره لاني ما ادخل عليهم الا كل يومين او ثلاثه فهل هذا يضرهم ويخرب الانتاج او ياخره؟

هالنقطه حساسه شوي و ممكن البعض بيخالفني فيها لانها حديثه تجربه

بأذن الله ماتأثر لاني بفتره سابقه استخدمت هالطريقه لظروف خاصه

ولم يتأثر الإنتاج ولله الحمد سواء ع الطيور القديمه او الجديده

ع العكس حسيت ان الطيور مرتاحه ان الدخول عليها قليل

لكن الخوف من التشحيم للطيور انتبه من هالامر

والباقي بيد الله سبحانه عز وجل

5-انا يوم احط العش نسيت ما ارش فاش او مبيد حشري فهل هذا الشيء ضروري وماذا اقعل؟

لم استخدم الفاش بيوم من الايام , طالما صندوقك بوقت ماحطيته نظيف مافيه خوف

و بما انك مركب كاميرات راح تلاحظ لو فيه فاش بسلوك الطيور من حكه زايده او قويه

6-احب استشيرك في موضوع , انا حاط لهم كاميرات مراقبه تصوير ليلي + مراقبه من النت وحده برا ووحده جوا العش ولكن اللي جوا العش كسروا القزازه اللي تصفي الصوره فالصوره طالعه كانك تشوف من تحت المويه فهل اخرج الكاميرا من العش لاصلاحها لاني ان طلعتها بسبب لهم ازعااج لاني بطلع الجوز واصك مدخل العش بعدين اطلعها وازينها وكذلك اذا جيت اركبها ام اخليها على ماهي عليه

ايه طلع الكاميرا يا غالي مايضر

و بما انهم كسروها يعني سقف الصندوق صغير وقريب من الطيور

وهالشيء سلبي , ان امكن تصور الصندوق لان الخوف حجمه صغير

ولو حاب تركبها حاول تبعدها بزاويه او بأصعب مكان لهم

أتمنى اجبتك بمثل ماكنت تتمنى إذا فيه اي استفسار مرحب بك

تمنياتي لك بالتوفيق و نراك منتج بحول الله و قوته