|
رد: جديده على فروخ الكروان .. سؤال ضروري جدا
وعليكم السلام..
مبروك عليك الزوج الجديد
طبعاً بسبب تغيير المكان احتمال يتركون الفروخ بدون غر..
راقبيهم في خلال هالفترة لو دخل الزوج العش و سمعتي صوت الفروخ (صوت الغر)
يكون الحمدلله امورك تمام.. اما لو لقيتي الفروخ منتوف ريشها و الزوج ما يغرها
شيليهم من العش و حطيهم بعلبة فيها نشارة خشب وابدي غريهم يدوياً
خصوصاً لو كان عمرهم اسبوعين او اكثر يكون ممتاز جداً للغر اليدوي
الافضل الغر بسيريلاك خاص للفروخ!
اتوقع لازم يكون متوفر عندكم بمكة لان عندنا بالشرقية متوفر في اغلب المحلات
لكن لو ماحصلتي ممكن تستخدمي سيريلاك بالقمح
بالبداية الفروخ راح تحاول تهاجمك (دفاع عن النفس)
لكن حاولي بطريقتك تغريهم بالسيرنج يفضل يكون موصول معها انبوب مغذي
و شوي شوي تغرينهم (على دفعات) و اهم شي تكون الخلطة دافية او فاترة (مش باردة!!)
اربع مرات باليوم كمية 5 الى 10 مل على حسب جوع الفروخ بس اهم شي ما تملي الحوصلة بشكل كامل
--
بالتوفيق
|