[حمام البحرين]

والله يا اخي ماعرف شلون اشرح لك .. و لا اقدر اقول لك سوا مثل الي انا سويته عشان لا احد يعتبرني اني احرضك ضد والدك الله يخليه

بس انا قصتي مثل قصتك بس انا كنت اتمنى قطة مو كلب .. كلمت الوالد و الوالدة و ما وافقوا
طبعا الاعذار المعروفة كلها انه ازعاج و امراض و قذارة و الى آخره ..

انا الي سويته اني عطيتهم الضمانات اني ماراح اجيب القطة الا و هي مطعمة و معاها اغراضها و حمامها و كل شي بيكون تمام التمام و طبعا ماتقبلوا الموضوع .. بس هالشي كان تمهيد لهم

شوي شوي خبرتهم اني راح اجوف قطط و اجوف الاسعار و قاموا يتفاعلون معاي شوي .. من حيث يسألوني كم السعر و شنو النوع و غيره من الاسألة لحد ما حسيت في تقبل بسيط .. فبعد تقبلهم حجزت قطة و ماخبرتهم متى بستلمها

خلال هالفترة جهزت اغراضها و خليتها في البيت على اساس اخليهم قدام الامر الواقع .. و بس مشى الحال و بعد ايام راح استلم القطة

و عمري طبعا قريب من عمرك .. انا 19 سنة
و اعتقد امورك اسهل من اموري لانه ابوك بيطري فما راح يخاف من ناحية امراض و غيره

بالنسبة للسفر يا تخليها عند صديق ممكن يتقبل الكلب او عند محل فندقة للكلاب

و الله يسهل دربك و تسوي الي تبيه