[azayed1385]

السلام عليكم و رحمة الله و بركاته

اولا انا عايز اشكر القائمين على المنتدى و كل الخبراء و الاعضاء المحترمين اللى فادونى جدا بأرآهم فى المجال ده ,

ثانيا كنت اشتريت جرواية جيرمن شيبرد من حوالى 10 ايام و كنت عايز اعرض صورها لحضراتكم و اسالكم شوية اسالة بعد اذنكم طبعا .

اول صورة انا اسف انها مش واضحة كفاية لانى واخدها سكرين شوت من فيديو لانى مش عارف اخليها واقفة هادية لانها مجنونة و حركتها زايدة اوى اوى و مش بتهدى غير لما نقعد انا و هيا نلعب شوية ف تهدى و تنام ف بيتهيالى صورتها و هيا نايمة تكون مش مفيدة





و اخر حاجة كانت بتنام نومة غريبة كدة شوية بعد مانلعب شوية كنت عايز اعرف دى حاجة كويسة و لا وحشة



و كمان كنت عايز اسال على حاجة فى موضوع التغذية , هيا سنها 4 شهور و نص تقريبا على كلام الدكتورة بس هيا قالتلى ان حجمها كدة صغير و محتاجة تاكل اكتر شوية , هو انا باكلها لبن و فينو و بيض مسلوق ده على الفطار بس فى الغذاء كنت عايز اعرف ممكن احطلها سمان او يمام ( لانى بصطاد الحاجات دى ) و لا الحاجات دى تضرها و كمان بالنسبة للكبدة و الكلاوى و الحاجات دى برضه تمام و لا فيها مشكلة ؟؟؟