|
رد: فرخ بلوفرنتد عمر شهر ونصف ينام كثير وينغر قليل
عليكم السلام
مبروك الطير
سيرلاك الفيرسل لاقا ممتاز وهو مخصص للطيور , اهم شي تأكد من تاريخ الصلاحيه
السيرلاك حق الاطفال ما ينفع , له اضرار احيانا
بخصوص مشكلة طيرك , الاحتمالات كثيره لها
لازم عندما يطلب الأكل تعطيه بحجم حوصلته او انقص شويه
وراح تلاحظ حوصلته جهة اليمين من منقاره , يعني لو الطير قدامك راح تكون الحوصله يسارك
وراح تبين عندك اذا هي مليانه او فارغه
كل ما تفرغ حوصلته تغره من جديد
بخصوص عدم اقباله على الأكل بكثره , حاول تخلط السيرلاك بماء دافئ
ثانيا : احتمال طريقه غرك للطير مزعجه او مؤلمه له عشان كذا يبتعد
ثالثا : حافظ على النظافه وابعاد الفرخ عن التيارات الهوائيه والمحافظه على نظافه منقاره وريشه بعد الغر
رابعا : قدمله قطرات مويه عشان يشرب بدون سيرلاك ويكون ماء معتدل الحراره
خامساً : لو استطعت تشمسه في فترات الصباح الباكر ويكون الجو مافيه تيارات هواء قويه , يعني الساعه 9 الصباح
بخصوص كمية السيرلاك مع الماء , ضروري تكون ما سائله مررره عشان ما يرجعه يعني زود شوي من السيرلاك على كميتك المعتاده
بخصوص استفراغه او محاولة ترجيعه للأكل , احتمال لانك تزودله في كمية الوجبه
حاول تقلل منها شي بسيط
والحركه كويسه خليه يتحرك ويلعب
بالتوفيق
في منتج اسمه كالسي لوكس Calci-Lux من شركة فيرسل لاقا ايضا
هذا عباره عن كالسيوم , ضروري جدا للفروخ عشان بناء عظامه وتقويته
لو موجود عندك راح ينفع الفرخ كثير
بالتوفيق
|