|
رد: تكاسل بالقسم نبي تعاون كل الاعضاء
السلام عليكم ورحمة الله وبركاته
في الأول أحب أعلق على كلمة أرجو
إنتو هنا مومحتاجين تترجوا أحد يجاوب عليكم
كل عضو لو التقدير والإحترام
والقسم مفتوح لأسئلتكم في أي وقت
وواجب علينا نجاوب موفضل منا على أحد
والفضل في الأول والأخير بس لله
ولوصار منا تقصير أكيد حيكون خارج عن إرادتنا
بسبب شغل أو دراسة أو ظرف خاص
زي حال مشرفتنا نوسه الله يعينها
وأنا الله الشاهد إني مريضة من يومين وبس أستفرغ الله يكرمكم
ودخلت بس عشان أخاف في حالة مرضية مستعجله تحتاج مساعده وأتأخر عليها
وأمس دخلت برد على كلامك وتعبت وطلعت
ماعلينا بس أبغى منكم تعرفوا حاجة وتتأكدوا منها
نحنا نتعامل مع حيواناتكم وكأنها حيواناتنا بالضبط بدون شك
نفرح لمن تبشرونا بخبر حلو ونزعل بقدر زعلكم على الخسارة
وإن شاءالله أسئلتكم حيتجاوب عليها
ولو أخرتها شوية حتى أطيب وأعطيها حقها من الإجابة
وشكراً لكم
__________________
سبحــان الله وبحمده سبحــان الله العظيم
شكراً " رونق حجازيه " على التصاميم الحلوة ♡♡
|