السلام عليكم ..
سؤال لأهل الخبرة .. عندي كاسكو أفريقي عمره تقريباً 6 شهور
شريته السبت .. أول ماجبته البيت كان برازه أكرمكم الله طبيعي ، والحين صاير زي الماي
طبعاً مو عارف ياكل الحب ، اعطيه خس جزر رز وعموماً الفواكة ياكلها ، بس الحب ماياكله
الخضار والفواكة ماكثرت له بس كنت ابي اشوف ياكل او لا ولقيته طبيعي ياكل وشوي عنده صعوبه
في الاكل ومايعرف يمسك الاكل .. حتى الحب يبي يمسكه وياكله مايعرف ياكل بدون مايمسك
حاولت اغره ذاق الخلطة والظاهر ماجازت له ورفضها ويعصب لما اقرب الابره منه
الحين مو راضي ياكل أو مو عارف مدري .. وبنفس الوقت مدري هو طبيعي ولا فيه مرض !؟
مع العلم انه يتحرك بنشاط طبيعي .. بس ساعات يغمض بوقت غلط يعني اكون ألعبه لما اتركه شوي يغمض وكأنه يبي ينام
شالحل معه .. وهل يستاهل الموضوع أوديه بيطري ..؟
والسؤال الاخير .. لما ادخله القفص يتحرك كثيير بقفزات وينزل ويطلع اعتقد يبي يرجع يطلع .. ولا متضايق من شي !؟
يعني مايهجد الا لما اطفي النور عنه
وبحط لكم كم صورة له ان شاء الله
أرجوا منكم المشورة واعتذر ع الاطالة