|
رد: يوميات قطط الاعضاء!!
السلام عليكم يا شباب وصبايا
ويعطيك العافية يا القلب الصافي على الموضوع الحلو وبما اني عضوة جديدة ارجو ان تتقبلوني
وراح ابدي
انا الصراحه عندي خمس قطط كل فتره راح اخلي واحد يتكلم عن نفسه وألحين أخليكم مع نونو حبيبة قلبي
انا قطوه حبوبة امورة شيونه اسمي نونو انا اعيش عند prensesa واحبها وايد مع انها شرتني حق بنتها يوم كان عمري شهر ونص والحين الحمدالله صار عمري سنتين بس انا احب امي البرنسيسة اكثر تعتني فيني وتلعبني وتوكلني وتشربي وتسبحني....... وكانت عندهم خدامة متينه وايد وتحب الاكل بليعه وعبالها الناس كلها جواعه وكانت كله توكلني وتوكلني وتوكلني وهم توكلني لما انتفخ بطني وجاني مقص تدرون ايش سويت ( وي فشله) كنت اطلع الريح عليهم وكنت اخنقهم من الريحه لما ودوني الطبيب وعالجني ............. وقمت كل ما اشوف الخدامه انحاش منها
وامي البرنسيسة تحبني وايد وتحب لقطاوه كلهم والحين صار عندي شركاء في البيت وصرنا خمسة بعين العدو ( أنــــــا نونو -- وبنتي مريانه --- وشريجتي سوسو --- وولدها كيوتي بس يدلعونه شمشم--- وتوا جانا ضيف جديد ذكر يقولون من نوع همالايا شنو هذا ما ادري واسمه ايفل ) وانشاء اله كل واحد فينا راح يقول يومياته
باي
|