[مدمنة قطط]

السلام عليكم

عيدكم مبارك وان شاء الله من العايدين.

انا(نانسي)صح اني غبت عليكم مده مهي بقليله,بس اهم شئ اني عودت لكم ثانيه.

المهم سبب انقطاعي هو اني سافرت انا ويا ماما (مدمنةقطط)وبابا مارا ح تصدقون وين سافرنا له.مممممممممممم سافرنا للمغرب في البدايه كنت خايفه جدا جدا خصوصا توني نازله من طياره لانها اول مره في حياتي اطلع من البيت الا اذا كنت رايحه للدكتور بس فعاد تخيلو انتم اني ركبت طياره بس اللي هون علي ان ماما كانت طول الرحله وهي ماسكة صندوقي قدامها ومره مره تطلعني اشوف وانا مرتعبه جدا جدا من غير ابلعط شفايفي من كثر الخوف اللي فيني.

المهم وصلنا لبيتنا بالدار البيضاء ,وحصلت قطو ذكر هناك بس ماحبيته لانه على طول يبغى يلعب بس حياته كلها لعب فلعب,يامانصحته وقلت ميده ان الحياة مهي بلعب وبس ترى فيه شئ اسمه مدرسه لازم تدرس هههههه المهم انا شفته تسذا وخصرته خليته كل مايقرب مني احاول اخوفه بس لاني مااعرف اضرب ولا ضربت احد,ومرات ماما تحصله يزعجني وانا نايمه يبغى يلعب معي بس الله يخليها لي تاخذه وتوديه لغرفته وتخليه هناك (ماشاء الله حريصه علي).
اهم شئ صار لي صديقات واااجد لاني كنت اجلس في الشباك في الدور الاول واتفرج على البنات يلعبن وبعدين لما شافوني اترجو ماما تنزلني لهم عشان يتعرفو علي كلهن صغيرات ماشاء الله يحبوني ماادري هو خوف من ماما ولا هم صح يحبوني الله اعلم.صرت كل مااجلس فالشباك يفضحنني بصياحن _نانسي_ناسي_نانسي.بس انا مااطول جلستي عشان مايملون من شوفتي (يقولون الثقل سنعه) على طول اول مايبتدون ينطقون اسمي انزل من الشباك وانام على الكنبه.الحمد لله بالنسبه للاكل الخاص فيني خلص هناك والمسكينه ماما جلست يومين وهي تدور وكل يوم تجي للبيت عرقانه تقول ميدي ان شاء الله احصله لك,فللاسف راح تعبها كذا لان بابا كان هنا فالسعوديه ساعتها وارسل لها عبر البريد اكل واااجد +انا ماصدقت خبر شهيتي انفتحت عالآخر وانا هناك ونومي صار كثييير يعني ارتحت من الجو هناك لان السكن هناك قريب من البحر عاد انتم عارفين البحر يجووع شسوي؟؟ فرحت من هنا وانا وزني 4كيلو الا شوي,ولما بغينا نرجع طبعا وزنوني تدرون كم صار وزني؟؟قول ماشاء الله رجاءا ,صار وزني 6كيلو باقي شوي ويصير 7 واضطرت ماما تدفع فلوس زياده الله يحفظها لي عشاني لازم اطلع معها للطياره لانها رافضه تحطني بالعفش خايفه علي الله يحفظها ويخليها لي.

ياقطيوات وياقطاوه اي استفسار انا رهن الاشاره حتى عن المغرب ترى مايردكن الا لسانكن.

على فكره ابغى معرس لان ماما تبغى تزوجني بس انا عندي شروط على شكل ولون العريس والله يتمم بخير,منه المال ومني العيال.

اسفه عالاطاله