[very smart]

السلام عليكم ورحمة الله وبركاته
مساكم الله بالخير جميعا
اخواني الاعزاء اعضاء المنتدى ... هذي قصه صارت معي قبل مايقارب ساعه

كنت في احد محلات بيع الطيور في مدينة الرياض على امتداد مخرج 9 ووجدت رجل كبير في السن ومعه طفلان والأبتسامه تملأوجهه ووجوه الأطفال الذين كانو في صحبته استعدادا لشراء طائر من نوع كاسكو المهم ياحبايبي دخلت المحل معاهم وشفت عدد من الطيور الطاعنه في السن ومتوحشه لاخر درجه والمعروف لدى اهل الخبره انه يستحيل تربيتها والتالف معها .
المهم ان صاحب المحل اقنع هذا الرجل بهذا الطائر
ثم سأل الرجل عن عمر الطائر . فرد الموظف وهو في قمة الأستهزاء ان عمر الطائر لايتجاوز الــ10 اشهر ولاكن سوف اسأل الدكتور عن عمره للتأكد فرد الدكتور المزعوم ان عمر الطائر من 8 اشهر الى 10 اشهر فازداد غيظي منهم ولم اتكلم تحسبا للمشاكل .
ولاكن كان بالقرب من هذا المحل محل اخر فذهبت له مسرعا لارى ان كان بمقدوري ان انقذ الموقف
فدخلت المحل وفوجئت بوجود مايقارب 10 فروخ لاتتجاوز اعمارها 7 اشهر فلما رايتها
((( استانست ))) وقلت تمام
المهم طلعت من المحل متجها للمحل الاخر وتفاجئت ان الشايب المسكين شايل الكاسكو وطالع من المحل ومبسووووووووووط هو والاطفال ومعهم عامل من المحل
قل ت الحين بس يرجع العامل بكلمه لاكن العامل ركب في الصندوق (( السياره ونيت ))
والشايب معه عائلته فلم استطع التكلم (( استحيت بالعربي )) وقلت الله يعوض عليه وقمت اطالعه وفجأه وقف عند صرافه قريبه فاتضح لي انه ماحاسب المحل واخذ العامل معاه علشان يصرف ويعطيه المبلغ قلت مابدهااااااش لازم ننقذ الموقف المهم لحقته عند الصرافه ونزلت من سيارتي ورحت له وانا اقول باعلى صوتي لاتصرف لاتصرف ههههههههههههههههه
شكله بغا ينحاش
قال وش فيه ياولدي . قلت ياعم انت شريت طير طاعن في السن وانه تم غشك
استانس الشايب وقال كفو ياولدي
قلت له فيه فروخ في المحل اللي جنبه وحلفت له اني مالي اي فائده واني هاوي ولست تاجر
واذا ودك اروح معك للمحل واساعدك في الاختيار
فقال اي والله ياولدي ماتقصر قلت يالله مشينا مع اني كنت محرج جدا من موقفي امامه وامام عائلته
المهم رحنا للمحل وتم ارجاع الكاسكو ورحنا للمحل الاخر وشفنا الببغاوات وكان سعر الببغاء 1500 ريال ولاكني اخبرت صاحب المحل بالرجل قبل تصير السالفه
وتساعد صاحب المحل معه وعطاه الفرخ بـ1200 وقفص كبير وطربال للبرد مجانا الله يجزا خير
مع العلم ان سعر الببغاء اللي رجعناه 1500
وهذي كل السالفه
وارجو من المشرفين عدم مسح قصتي ليعتبر بها الغير
ارجو اني ماطوات عليكم
وابي اشوف ردودكم
باااااااااااااااااااي