[sisi_moon]

مررررررحباا

اكيد الكل يقول ويني ووين البطوله بس الحين اقولكم

اول شي قطوتي حامل وعلى ولاده

ثانيا الله يسلمكم انا موقته نومي كل ثلاث ساعات انزل لموني اشوفها بتولد ولا لا

زينه ولا لا

وهذا حالتي

واهلي يقولوون انتي من حنتك عليهم بتولد وانتي نايمه وولا تدرين بشي

انا اقول لالالا بتشووفون بتولد وانا وياها

المهم يوم الجمعه الساعه 9 الصباح نزلت لموني شفتها ياعيني نايمه بكرتوونها مال الولاده

تطمنت عليها ورجعت نمت

الساعه 12 الظهر جلست ونزلت لها طبعاا .. طليت شفتها من ورا رطبه وحالتها حاله

رفعت غطا الكرتون عشان اشوف عدل

!!!

شفت اشياء عند ذيلها .. ولدت صج وانا نايمه

المهم اللي شفهم كانوا اربعه ومتلخبطين ببعض لان الست موني ماسوت شي

اللهم طلعتهم منها بس

الحبل السري بالمشيمه كل شي تبونه موجود

رفعت موني شوي الا اشوف واحد خامس يااقلبي

رحت جري ولبست قفاز وجبت مقص

وكل حين اخذ واحد و أأكل موني المشيمه

وموني دلع ويا راسها ما اكلت الا ثنتين << كلفت على روحهاا

واقص الحبل السري

طبعا وانا اقص ايدي ترررجف من الفرح والخوف والمفاجأة

وطبعا ابعد مسافه صبعين عن بطنه واقص الحبل

وبعدين انشفهم واحطهم عند موني تلحسهم وعشان يرضعون

شووي الا اشوف بطنها يتحررك

شووي اشوفها تدفع

ياعمري بقى واحد بيطلع

وطلع اهو بس والمشيمه داخل موني

انا فتحت الغشاء الابيض عن وجهه وانتظرت موني تطلع المشيمه .. ماطلعتها قلت عز الله بيمووت من البرد

كان اسحبه شوووي شوووي حبه حبه واسوي نفس الحكايه مع الحبل السري والمشيمه

ونشفته ونفخت بخشمه من بعيد شووي

ترا كلهم نفخت بخشمهم

عاد وانا اسوي كل شي موني تطالعني بنظرات وحده غبيه ههههها

ويوم خلصت نامت على بطنها

يااربي منهاا

اخذتها و نيمتها على جنبها وخليت العيال يرضعون

وناموا في سلام

فديتها احسن شي سوته انها ولدت في الكرتون ماوسخت شي ههههها

عاد اهلي مستقرفين يقوولون لي شلون سويتي كذا

الصراحه يوم خلصت منهم لاعت كبدي وماتغديت الا المغرب


...

يلا وروني ردودكم واذا صار لكم مثلي قولوا عشان نستفيد من بعض

وبالمناسبه طلعوا ذكرين واربع اناثي

سميت الذكارى : جوليان , سيمبا

الاناثي : روزي , سوزي , ساندي , لورا ... ( لورا اهي اللي انا طلعتها )