[sika11]

والله يا جماعة فى البداية مكذبش عليكم
انا مليش فى الكلاب خالص وكنت من شهر اشتريت كلب جيرمن شيبرد المانى واتخميييت فيه
ادحك عليا جامد اشتريته عنده 45 يوم ب280 جنية مصرى
لاكن لما كبر حاليا عنة شهرين ونصف وقوته البدنية شديدة الحمد الله وبيكبر بشكل كويس وبياكل كويس لاكن اتفاجئت ان بقى فيه علامات بيضة فى الصدر والكفوف ومع لما روحت بيه لناس تدينى فيه ثمن اليوم قالو 50 جنية
انا جاتلى صدمة ليه علشان دة مش بيور او مش اصلى مهجن
المهم اتخنقت منه صراحة فقلت حروح بيه السوق الجمعة فى مصر واشوف ليه بيعة وانا مستخسر ابيعة لان جسمه قوى البنية بس قالولى لما حيكبر مش حتلاقى حد يرضى انك تخليه يتجوز كلبته او ينط على الكلبة بتاعتة لانه مش بيور
انا قدامى واحد تانى حاليا ب400 جنية مصرى نوعة بلاك جاك بلجيكى عنده 50 يوم
وانا خايف اتخم ذى الاول ويكون مش بيور وهو لونه تقريبا رصاصى على الوان تانية كدة داخلة فى بعضها
فممكن نصيحة تقولولى اعمل ايه فى الاول
والثانى البلجيكى منين اعرف انه بيور وتمام وايه الحاجات الى بيها اعرف انه كلب تمام ولا لا
ارجو الرد السريع لانى لازم اروح انهردة ارد على البلجيكى بالموافقة او الرفض
وشكرا ليكم
وانا منتظر المساعدة