|
كيف تجعل الكلب يقضي حاجته بالخارج بدون تدريب طويل
بسم الله الرحمن الرحيم
السلام عليكم
كيف حالكم اخواني
اليوم بس حبيت اجيب لكم طريقة بسيطة جدا لتفادي قيام الكلب بحاجته داخل المنزل
والطريقة نجحت معاي وكثير من الناس تسويها وتقدرون تسوونها على هيئة جدول
وطبعا لازم تمشون على الجدول الي انتو بتسوونه في أول الايام وبعدين تقدرون تغيرونه
طبعا اول الايام الي نجيب فيها الكلب راح يعملها في كل مكان يعني وبدون انتظام
احنى هني الي علينه انه لما نشيل البراز نرميه بالخارج بلمكان الي نبغي الكلب يقضيها فيه
واذا كنت ناوي تخلي الكلب يعملها بسرعه في المكان الي انت تبغي ماعليك الا ان تعطيه حليب بعد الاكل وتوديه للمكان وراح يعملها فيه واذا ماتبغي تعطيه الحليب اخذه برع وانتظره حتى يعملها وامسح على راسه لين عملها بالمكان الي تبغيه
واذا كنت تعطيه وجبته الصبح اعمل هالحركة واذا ماكنت تعطيه وجبه الصبح مجرد انك تطلع تمشيه وو راح يعملها وطبعا تمسح على راسه
وبعدين انجي العصر ونعطيه وجبته ونفس الشيء نوديه برع وراح يعملها
ونفس الشيء بالـيل
واذا ماكنت تبغي الكلب يعملها بالمكان الي تخليه فيه باليل سواؤ قفص او مكان مربوط فيه لاتكثر بالوجبة الأخيرة
وانا طبعا مع آيرون اعطيه وجبتين وحدة العصر وحدة بالليل واكثر له بوجبة العصر عشان اكون فاضي له واذا بيعملها كمن مرة اكون معاه
وان شاء الله تكونون استفدتو ولو بالكم السيط
واعذروني على سوء التنسيق
وأي تعليق او ملاحظة تفضلو بها
|