مساكم الله بالخير
بداية اعلمكم عن مستجدات ماحصل لكلبي وهو انه صار يحبني ويشتاق للعب معي واذا فكيت رباطه يجي وراي ويروح يكتشف الاماكن بالمزرعة ويرجع لي وتعلم اسمه الجديد في اقل من اسبوع وصار يجي اذا ناديته وعندي بعض الامور احتاج توجيهات الخبراء في هالموقع لانهم اساتذه ولهم خبرتهم وهي :
1) يخاف مني اذا رفعت يدي وانا ماقصدت اضربه !
2) اذا سوى غلط وضربته يروح لبيته ويجلس وقت وبعدين يرجع !
3) حاولت اختباره انا واخوي بالليل فجلست مع الكلب واخوي راح من خلف المزرعة بدون مايشوفه الكلب وحاول يسوي حركات كأنه حرامي وحاول يستفز الكلب فبدأ الكلب ينبح بشكل جيد لكن ماراح لاخوي لما فكيت رباطه وانما جلس يروح يمين ويسار وينبح ولما حاولت اني احرضه على لحاق اخوي رفض المشي معي ولما اجبرته وقف النباح وصار يمشي جنبي عادي وظهر لي انه خايف ولا فيه شجاعة !
5) لاحظت انه يطلع برا حدود المزرعة لاني فكيته عشان يستكشف المكان وطلع برا وحاول بعض الناس سرقته؟
6) شهوة كلبي للاكل قليلة جدا ولكن اذا قدمت له حليب يشربه بسرعة !
هذي بعض الملاحظات على كلبي ابي راي الخبراء وشلون اتجنب الاشياء السلبية بكلبي وازيد الاشياء الايجابيه فيه وانا اعرف ان فيه بهالموقع ناس خبيرة ممكن يساعدوني
وشكرا لكم
هذي صورة للكلب اللي اختلف رأي الخبراء فيه وأكثرهم قال انه جيرمن مهجن
