[المحامي]

هلا اخوي ، سامحني على التاخر في الرد . الكلب الي قلت لي عنه italian greyhound وايد زين و يصلح للتربية في المنزل للعب و الدلع . اهوه في الاساس كلب صيد مثل ما واضح من اسمه . يحب صاحبه كثير بس ساعات يكون عنيد و يبي له شوية جهد في التدريب . بس السؤال ها اهوه متوفر عندكم بالسعودية؟؟
بالنسبة حق النباح ترى كل الكلاب ينبحون هاي شي طبيعي فيهم بس انت لما تشتري كلب لازم تعلمه من البداية و تخليه يتاقلم مع كل شي خصوصاً اذا انت تبيه حق اللعب ، خله يشوف الناس و يطلع بره البيت ، عوده على صوت السيارة و المكنسة و كل شي عشان لما يكبر ما يخاف و يكون عنده شخصية ، اما اذا كان يخاف من اي صوت او الناس الغرب ، فكل ما سمع صوت غريب بتشوفه ينبح و بيأذيك .

انه مثل ما نصحتك و بناءاً على طلبك ان انت تبي الحج الصغير ، كلب الشيواوا وايد زين و صغير قد كف اليد ، و يحب صاحبه ، و يصلح للعب و الدلع من الدرجة الاولى و لو لاحظت اغلب المشاهير عندهم شيواوا او اكثر من واحد .
هاذي صور له




شوف من صغره حاطينه في كوب ماكدونالز